فۋتزالدان ەچ: قازاقستان فينليانديانى جەڭدى

بۇل ماتچتا بىرنەشە قىزىقتى وقيعا تىركەلدى.

العاشقى تۋردا قازاقستان قۇراماسى سوڭعى مينۋتتاردا تارازى باسىن تەڭەستىرىپ, سلوۆەنيا قۇراماسىمەن 4:4 ويناعان بولاتىن. ءبىر ۇپايدان كەيىن جانكۇيەرلەر پلەي-وففقا شىعۋدىڭ قيىنداپ كەتكەنىن جاقسى ءتۇسىندى. الايدا, سول ماتچتان سوڭ يتاليا مەن فينليانديا كوماندالارى كەزدەسىپ, ولار دا جەڭىمپازدى انىقتاي المادى. سونىڭ سالدارىنان توپتاعى جاعداي ءبىرىنشى تۋردان سوڭ بىركەلكى بولدى.

ال ەكىنشى تۋردا يتاليا مەن سلوۆەنيا كوماندالارى كەزدەستى. بۇل ويىننىڭ ەسەبى تۋرنيرلىك كەستەگە قاتتى اسەر ەتەتىن. فاۆوريت يتاليا قۇراماسى بولعانىمەن ماتچ تاعى دا تەڭ اياقتالدى. وسىدان سوڭ يتاليا مەن سلوۆەنيادا 2 ۇپايدان بولدى. بۇل قازاقستان مەن فينليانديا ءۇشىن وتە تاماشا ەدى. قايسىسى جەڭسە تۋرنيرلىك كەستەدە ءبىرىنشى ورىنعا شىعاتىنىن الاڭعا ءبىلىپ شىقتى.

ماتچتىڭ باستاپقى بولىگىندە فينليانديا قۇراماسى شيراق قيمىلدادى. ءبىرىنشى بولىپ ەسەپتى دە سولار اشتى. بىراق, ءبىرجان ورازوۆتىڭ گولىنان كەيىن ەسەپ تەڭەستى. كەيىننەن فينليانديا قۇرماسا تاعى ءبىر گول سالىپ, قورعانىستىڭ قاتەلىگىن پايدالانىپ كەتتى. بىراق, قاقپاشىمىز يگيتا ورتاعا شىعىپ, اۋىر سوققى جاسادى. ەسەپ 2:2 بولىپ قايتا تەڭستى. سوسىن, ءبىرجان ورازوۆتىڭ عالامات پاسىنان كەيىن ارنولد كناۋب قازاقستان قۇراماسىن العا شىعاردى. بۇل وسى ماتچتا ءبىرىنشى مارتە بولعان وقيعا بولاتىن. شابىتتانعان قازاقستان قۇراماسى گولدى ارتى ارتىنان سالىپ, فينليانديا قۇراماسىنىڭ اپشىسىن قۋىردى. «سۋومي» فۋتزالشىلارىنىڭ سالىسى سۋعا كەتىپ, باستارى تومەن سالبىرادى.

ءبىرجان ورازوۆ ازات ءۆاليۋليننىڭ پاسىنان كەيىن ادەمى گول سالىپ, دۋبل اۆتورى اتاندى. سوسىن ارنولد كناۋب ەدسوننىڭ پاسىنان كەيىن ەسەپتى 5:2 قىلدى. ال ماتچتىڭ نۇكتەسىن ازات ۆاليۋللين قويدى. ول دۋگلاستىڭ باسپەن بەرگەن پاسىن قاقپاعا توعىتتى.

قازاقستان قۇراماسىندا ەندى 4 ۇپاي. 28 قاڭتار كۇنى ساعات 22-30-دا يتاليا قۇراماسىنا قارسى وينايمىز. 

فينليانديا – قازاقستان – 2:6 (1:1)

گولدار: حوسيو 13 (1:0), ورازوۆ 18 (1:1), كورپەلا 24 (2:1), يگيتا 25 (2:2), كناۋب 29 (2:3), ورازوۆ 32 (2:4), كناۋب 34 (2:5), ۆاليۋللين 40 (2:6)     

ەسكەرتۋلەر: يۋ.كيۋتەليا 19, كورپەلا 20 – ەدسون 20 

فينليانديا: كويۆۋمياكي, ساۆولياينەن – اۋتيو (ك), يۋ.كيۋتەليا, حوسيو, اللاميككوتەرۆو,    پيككاراينەن, يۋركياينەن, يۋننو, كورسۋنوۆ, لينتۋلا, كورپەلا, پەيليە, ۆانحا  

باس باپكەر: ميچو مارتيچ (حورۆاتيا)  

قازاقستان: يگيتا (ك), اتانتاەۆ – تاينان, تۇرساعۋلوۆ, دۋگلاس, ورازوۆ, قاراعۇلوۆ, ەدسون, ۆاليۋللين, كناۋب, توقاەۆ, ساعىندىقوۆ     

باس باپكەر: كاكا (برازيليا)

تورەشىلەر: كوۆاچ (ۆەنگريا), كادىكوۆ (رەسەي)

24 قاڭتار 2022 جىل. گرونينگەن (نيدەرلاند). «مارتيني پلازا»