قىرعىز پرەزيدەنتى سادىر جاپاروۆ قىتاي حالىق رەسپۋبليكاسىنا جۇمىس ساپارىمەن بارار الدىندا قاشىقتان جۇمىس ىستەۋگە كوشتى, دەپ حابارلايدى Egemen.kz جاپاروۆتىڭ ءباسپاسوز قىزمەتىنە سىلتەمە جاساپ.
«بۇل الەمدە كوروناۆيرۋستىق ينفەكتسيانىڭ تارالۋىنا جانە قازىرگى جاعدايدا ەپيدەميولوگيالىق قاۋىپسىزدىك شارالارىن ساقتاۋ قاجەتتىلىگىنە بايلانىستى», دەلىنگەن حابارلامادا.
سادىر جاپاروۆ قاشىقتاعى رەجيمگە قاراماستان ادەتتەگى جۇمىس كەستەسىنە سايكەس قىزمەتىن جالعاستىرادى.
ايتا كەتەيىك, 3-5 اقپاندا قىتايعا جوسپارلانعان ساپار اياسىندا پرەزيدەنت سادىر جاپاروۆ بەيجىڭدە وتەتىن قىسقى وليمپيادا ويىندارىنىڭ اشىلۋ راسىمىنە قاتىسادى. سونداي-اق قحر توراعاسى سي تسزينپينمەن ەكىجاقتى كەزدەسۋ وتكىزەدى.