بۇل تۋرالى ەلوردا اكىمى التاي كولگىنوۆ ينستاگرام پاراقشاسىندا جازدى, دەپ حابارلايدى Egemen.kz.
«ەلوردادا جىل سايىن 3 ملن شارشى مەتردەن استام تۇرعىن ءۇي سالىناتىنىن, ال جىلىتۋ ماۋسىمى شامامەن 7 ايعا سوزىلاتىنىن ەسكەرسەك, جىلۋ ەنەرگياسىنىڭ قۋاتىن ارتتىرۋ قاجەت.
جەو-3 قۇرىلىسى 10 جىل بۇرىن باستالعان قالانىڭ ۇزاق قۇرىلىستارىنىڭ ءبىرى. بىلتىر ءبىز جەو-3 قۇرىلىسىن قايتا باستادىق. مەملەكەت باسشىسىنىڭ تاپسىرماسى بويىنشا ۇكىمەت نىسان قۇرىلىسىن قارجىلاندىرۋ ءۇشىن قاراجات ءبولدى», دەپ جازدى ا.كولگىنوۆ.
ونىڭ ايتۋىنشا, مەردىگەرگە بيىل جەو-3 قۇرىلىسىن اياقتاۋ تاپسىرىلدى. «كەلەسى جىلىتۋ ماۋسىمىنىڭ باسىندا (2022 جىلدىڭ كۇزى) ونىڭ قۋاتتىلىعى ساعاتىنا 240 گيگاكالوريانى قۇرايتىن بولادى.
ال 2023 جىلدىڭ قاڭتارىندا – ساعاتىنا 360 گيگاكالوريا (440 گكال/ساع دەيىن). جەو-3 قۋاتتىلىعى 6,5 ملن شارشى مەتر تۇرعىن ءۇيدى جىلۋمەن قامتۋعا مۇمكىندىك بەرەدى», دەدى قالا اكىمى.
سونداي-اق ەلوردادا ءۇش گاز قازاندىعىن جوبالاۋ جۇمىسى ءجۇرىپ جاتىر. ولاردىڭ قۋاتتىلىعى ساعاتىنا 1600 گيگاكالوريانى قۇرايدى, بۇل جەو-3 قۋاتىنان 3,5 ەسەدەن اسا كوپ.
وسىلايشا گاز قازاندىقتارى 22 ملن شارشى مەتردەن استام تۇرعىن ءۇيدى قوسىمشا جىلىتۋعا مۇمكىندىك بەرەدى. بۇدان باسقا, قولدانىستاعى جىلۋ ەلەكتر ورتالىقتارىن جاڭعىرتۋ بويىنشا جۇمىستار جۇرگىزىلدى: جەو-1 جانە جەو-2-دە سۋ جىلىتۋ قازاندىقتارى گازعا اۋىستىرىلدى.