ءىرى اگرارلىق كومپانيالار اۋىلدى دامىتۋعا اتسالىسۋعا ءتيىس

پالاتا دەپۋتاتتارى اۋىل ماسەلەسىن تۇراقتى تۇردە كوتەرىپ جۇرگەنىمەن, ولاردى شەشۋ ءۇشىن ۇكىمەت تاراپىنان ءتيىستى شارالار قولعا الىنباي كەلەدى. ال اۋىل تۇرعىندارى قازىر الەۋمەتتىك ەڭ ناشار جاعدايدا قالىپ وتىر. ونىڭ ۇستىنە, ولاردىڭ كوپشىلىگى ستاتيستيكانىڭ سالىس­تىرمالى تۇردە جاقسى كورسەتكىشتەرىنە قاراماستان «شىن مانىندە تىرشىلىك ەتۋگە» ءماجبۇر. «ستاتيستيكا دەرەكتەرى بويىنشا اۋىلداعى جۇمىسسىزدار سانى 181 مىڭ ادام نەمەسە 4,7 پايىز. بىراق ءىس جۇزىندە جۇمىسسىزدىق حالىقتىڭ باعىن اشپاس سورى بولدى. ءبىز ەلىمىزدىڭ بارلىق اۋدانىندا اۋىل تۇرعىندارى اراسىندا ارنايى الەۋمەتتىك ساۋالداما جۇرگىزدىك. ولاردىڭ باسىم كوپشىلىگى جۇمىستىڭ جوقتىعىن «باس­تى ماسەلە» دەپ اتادى. وسى ساۋالدامادا كورسەتكەندەي, اۋىل تۇرعىندارىنىڭ ناقتى تابىسى ايىنا 35 مىڭ تەڭگەنى قۇرايدى. مۇنداي اقشاعا قالاي كۇن كورۋگە بولادى؟», دەپ سۇرادى اقىلبەك كۇرىشباەۆ.

سەناتور جۇمىسسىزدىق سالدارى تاعى ءبىر پروبلەمانى تۋعىزىپ وتىرعانىن ايتىپ, بۇگىندە اۋىل حالقىنىڭ قالالارعا كەتۋ دينا­مي­كاسىنىڭ ارتىپ وتىرعانىن ايتادى. ء«بىز جۇرگىزگەن الەۋمەتتىك ساۋالداما ناتيجەلەرى كورسەتكەندەي, ەڭبەككە قابىلەتتى حالىقتىڭ 41 پايىزى اۋىلداردان قالاعا كوشۋدى قالايدى. ارينە, ۋرباندالۋدىڭ الەمدىك ءۇردىس ەكەنى تۇسىنىكتى, بىراق ونى باسقارۋ كەرەك قوي. جاقىن ماڭداعى اۋىلداردان ءبىر ساتتە حالىقتىڭ جاپپاي كوشى-قونى باستالسا, قالالارىمىزدا نە بولماق؟ ەگەر اۋىل شارۋاشىلىعىندا جۇمىس ىستەيتىن ەشكىم قالماسا, ەلدىڭ ازىق-ت ۇلىك قاۋىپسىزدىگىن قالاي قامتاماسىز ەتەمىز؟ شەكارالاس اۋداندار قالاي قورعالماق؟», دەدى سەناتور.

دەپۋتات بۇل ماسەلە ەلىمىز ءۇشىن تەك ەكونوميكالىق قانا ەمەس, سونىمەن قاتار ساياسي جانە ستراتەگيالىق ماڭىزعا يە ەكەنىن اتاپ ءوتتى. سوندىقتان ا.كۇرىشباەۆ ۇكىمەتتىڭ اۋىلداردى دامىتۋعا نەگە ءتيىستى كوڭىل بولمەگەنىنە جانە سەناتورلاردىڭ پارلامەنتتىك تىڭداۋدا بەرگەن ۇسىنىس­تارىنىڭ نەگىزگى تارماقتارىن ءالى دە ورىنداماعانىنا نازار اۋداردى. دەپۋتات اۋىلدى دامىتۋعا ءىرى اۋىل شارۋاشىلىعى كومپانيالارى بەلسەندى ۇلەس قوسۋعا ءتيىس ەكەنىن ايتتى.