باتىس قازاقستان وبلىسىندا كوروناۆيرۋس جۇقتىرعان 224 ناۋقاس ستاتسيونارلاردا ەم الۋدا, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسى تاراتقان اقپاراتقا سەنسەك, ولاردىڭ بارلىعى ورال قالاسىنداعى 4 اۋرۋحانادا كورىنەدى. بۇگىندە قالاداعى ستاتسيونارلار 58 پايىزعا تولعان. 6 ناۋقاس اۋىر حالدە, جانساقتاۋ بولىمشەسىندە ەم الىپ جاتىر.
جىل باسىنان بەرى 2315 ادام كوروناۆيرۋس جۇقتىردى. 5 ناۋقاس مەرت بولدى. ىندەت تابىلعان 77 بالانىڭ تورتەۋى جازىلىپ شىقسا, قالعانى ساۋىعۋ ۇستىندە.