قاراعاندى فارماتسەۆتيكالىق كەشەنى «سق-فارماتسيا» حابتارىنا كوروناۆيرۋسقا قارسى ءبىر كومپونەنتتى «سپۋتنيك لايت» پرەپاراتىنىڭ 150 مىڭ دوزاسىن جىبەردى. پرەپارات رەسەي فەدەراتسياسىنان جەتكىزىلدى جانە رەۆاكتسيناعا ارنالعان, دەپ حابارلايدى Egemen.kz.
«سپۋتنيك لايت» قاراعاندى فارماتسەۆتيكالىق كەشەنىنىڭ -35 گرادۋس ۇستايتىن توڭازىتقىشتارىنان بىرىڭعاي ديستريبيۋتوردىڭ لوگيستيكالىق توراپتارىنا جونەلتىلدى. تاسىمالداۋ ارنايى توڭازىتقىشتاردا جۇزەگە اسىرىلدى, وندا سۋىق تىزبەكتى قاتاڭ ساقتاۋ ءۇشىن جابدىق ورناتىلعان. پرەپارات قويمالارعا جەتكىزىلدى, ول ەلىمىزدىڭ بارلىق ايماقتارىنا تاراتىلادى.
«بۇل پارتيا قاراعاندى فارماتسەۆتيكالىق كەشەنى اكتسيونەرلەرىنىڭ شەشىمىمەن كوروناۆيرۋس ينفەكتسياسىنىڭ تارالۋىن بولدىرماۋ ءۇشىن بولىنگەن گۋمانيتارلىق كومەك بولىپ تابىلادى», دەلىنگەن قاراعاندى فارماتسەۆتيكالىق كەشەنى مالىمەتىندە.