دەپوزيتتىڭ ماكسيمالدى سوماسى كوبەيدى

ءتيىستى وزگەرىستەر «قازاقستان رەسپۋب­ليكاسىنىڭ ەكiنشi دەڭگەي­دەگى بانكتەرiندە ورنالاستىرىلعان دەپوزيتتەرگە مiندەتتi كەپiلدiك بەرۋ تۋرالى» زاڭىنا ەنگىزىلدى جانە 2022 جىلدىڭ 11 قاڭتارىنان باس­تاپ كۇشىنە ەنەدى. جاڭا وزگەرىس­تەرگە سايكەس ءبىر بانكتە ءتۇرى مەن ۆاليۋ­­تاسىنا قاراي جيناق سالىمى جانە باسقا دا دەپوزيتتەرى بار سا­لىم­شىلار ءۇشىن قدكبق-نىڭ جيىنت­ىق كەپىلدىك بەرىلگەن ماكسي­مال­دى سوماسى دا وسەدى. بۇل جاع­دايدا جيىنتىق كەپىلدىك بەرىل­گەن ماكسيمالدى سوما 20 ملن تەڭگەنى قۇرايدى.

«كەپىلدىك بەرىلگەن ماكسيمال­دى سومانىڭ وسۋىنە بايلانىستى قدكبق سالىمشىلاردىڭ دا, مەم­لەكەتتىك بيۋدجەتتىڭ دە شىعىنعا ۇشىرامايتىندىعىن اتاپ وتەدى: وتەم سوماسى جيناقتاۋ نەگىزىندە قالىپتاساتىن ارنايى رەزەرۆتىڭ قاراجاتى ەسەبىنەن جۇزەگە اسىرىلاتىن بولادى. قازىرگى ۋاقىتتا جيناق­تالعان ارنايى رەزەرۆتىڭ كولەمى قدكبق جارعىلىق كاپيتالىنىڭ 70 پايىزىن ەسەپكە الا وتىرىپ, 847 ملرد تەڭگەنى قۇرايدى. ارنايى رەزەرۆتىڭ بۇل دەڭگەيى زاڭنامالىق تۇرعىدا بەكىتىلگەن 5 پايىزدىق مەجەدەن جوعارى جانە ۇزدىك الەمدىك تاجىريبەلەرگە سايكەس كەلەدى» دەلىن­گەن قور حابارلاماسىندا.

ەسكە سالايىق, ەلىمىزدە يسلام بانكتەرىنەن باسقا, جەكە تۇلعا­لار­دىڭ دەپوزيتتەرىن قابىل­داۋعا جانە جۇرگىزۋگە ليتسەنزيا العان بار­لىق بانكتەر مىندەتتى تۇردە دەپوزيتتەرگە كەپىلدىك بەرۋ جۇيەسىنە قاتى­سادى. وسىلايشا, بارشا قازاق­ستان­دىقتاردىڭ ەكىنشى دەڭ­گەي­لى بانكتەردەگى اقشالارى جو­عا­ر­ىدا كورسەتىلگەن ليميتتەر شە­گىن­دە قدكبق قورعاۋىنا الىنادى.

10 قاڭتار كۇنى قور قارجى جۇيەسىنىڭ تۇراقتىلىعىن قامتا­ما­سىز ەتۋ بويىنشا مەملە­كەت باسشىسىنىڭ تاپسىرماسىن ورىنداۋ ءۇشىن جەكە تۇلعالاردىڭ ۇلتتىق ۆاليۋتاداعى دەپوزيتتەرىنىڭ جەكەلەگەن تۇرلەرى بويىنشا ەڭ جوعارى سىياقى مولشەرلەمەسىن كوتەرۋ تۋرالى شەشىم قابىلدادى. 2022 جىلدىڭ 11 قاڭتارىنان باستاپ ستاندارتتى وتەۋ مەرزىمى 3 جانە 6 اي جيناق سالىمدارى بويىنشا ەڭ جوعارى سىياقى مولشەرلەمەسى 2 پايىزعا, ال 12 اي ستاندارتتى وتەۋ مەرزىمى بار جيناق سالىمدارى بو­يىنشا 1 پايىزعا كوبەيدى.