وسكەمەندە كوپ قاباتتى ۇيدەن ءورت شىقتى

شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, 15 قاڭتاردا ساعات 20.30 شاماسىندا شاكارىم داڭعىلىنداعى 4 قاباتتى تۇرعىن ۇيدەگى پاتەرلەردىڭ بىرىندە ءورت شىقتى.

«وقيعا ورنىنا ءورت سوندىرۋشىلەر كەلگەن كەزدە پودەز ءىشىن كوك ءتۇتىن باسقان. ولار قاۋىپسىزدىك ماقساتىندا 18 تۇرعىندى, ونىڭ ىشىندە 6 بالانى دەرەۋ ەۆاكۋاتسيالادى. دەنەسىن كۇيىك شالعان 63 جاستاعى ءۇي يەسى مەن ونىڭ ۋلانعان 37 جاستاعى قىزى اۋرۋحاناعا جاتقىزىلدى. كوپ ۇزاماي تجد قىزمەتكەرلەرى جالپى اۋدانى 8 شارشى مەتردى شارپىعان قىزىل جالىن تولىقتاي اۋىزدىقتالدى», دەلىنگەن اقپاراتتا.

ءتىلسىز جاۋدى وشىرۋگە جەكە قۇرامنان 18 ادام مەن 6 تەحنيكا جۇمىلدىرىلعان. الدىن الا مالىمەت بويىنشا ءورتتىڭ شىعۋ سەبەبى تەمەكى شەگۋ كەزىندە ساقتىق شارالارىن ساقتاماۋدان بولۋى ىقتيمال.