مەملەكەت باسشىسى قاسىم-جومارت توقاەۆ ەلدەگى قيىن جاعدايدا حالىقتى تىعىرىقتان الىپ شىعۋ ءۇشىن وڭ شەشىمدەر قابىلدادى. قازاقستاندىقتاردىڭ جىلدار بويى قوردالانىپ قالعان وزەكتى ماسەلەلەرىنە ءمان بەرىپ, جاڭا ساياسي-الەۋمەتتىك وزگەرىستەرگە جول سالدى.
قازاقستان پرەزيدەنتى كۇنى كەشە عانا ءماجىلىس وتىرىسىنا قاتىسىپ, ەلدىڭ ءال-اۋقاتىن كوتەرۋگە قاتىستى سالا باسشىلارىنا بىرقاتار ناقتى تاپسىرمالار بەردى. پرەزيدەنت سوڭعى كۇندەرى ەلىمىزدە ورىن العان حالىقارالىق لاڭكەستىك وقيعالاردى سارالاي كەلە, جاڭا داۋىردەگى تاۋەلسىز قازاقستاننىڭ جاڭا باعىتتا دامۋ كەرەكتىگىن اتاپ ءوتتى.
مەملەكەت باسشىسىنىڭ قوعامدى ساۋىقتىرۋدىڭ بىرنەشە جولدارى مەن باعىتتارىن ناقتى اتاپ بەرىپ, جاڭا سايلانعان ۇكىمەت باسشىسىنا ناقتى تاپسىرمالار بەردى. ەل ەكونوميكاسىن وركەندەتۋ, حالىقتىڭ ءال-اۋقاتىن ارتتىرۋ, ءبىلىم مەن عىلىم سالاسىن دامىتۋ, تاعى باسقا وزەكتى ماسەلەلەردى كۇن تارتىبىنە قويىپ, ءتيىمدى شەشۋ جولدارىن ايقىندادى.
ۇلت ۇستازى – احمەت بايتۇرسىنوۆتىڭ بولاشاقتىڭ كىلتى مەكتەپتەن باستاۋ الاتىنىنا توقتالا وتىرىپ, جاڭا زامان تالابىنا ساي تەحنيكالىق كادرلاردى دايارلاۋدىڭ ماڭىزى زور ەكەنىن ەرەكشە اتاپ ءوتتى. كەشەگى قازاقستاندا ورىن العان دۇربەلەڭنەن كەيىن ەلىمىزدىڭ ەگەمەندىگى مەن تاۋەلسىزدىگىمىزدىڭ تۇراقتىلىعىن ساقتاۋدا جاڭا قادامدار مەن جاڭا كوزقاراس قاجەت ەكەنى اڭعارىلدى. بۇل ورايدا بارشا قازاقستاندىقتار پرەزيدەنتىمىز ق.توقاەۆتىڭ ماڭىنا توپتاسا جانە ونى قولداي وتىرىپ, بۇل قيىنشىلىقتى ەڭسەرىپ شىعاتىنىمىزعا سەنىمىمىز مول.
ءال-فارابي اتىنداعى قازاق ۇلتتىق ۋنيۆەرسيتەتىنىڭ وقىتۋشى-پروفەسسورلىق قۇرامى مەن ءبىلىم الۋشى جاستارى مەملەكەت باسشىسىنىڭ ەلىمىزدىڭ كەمەل كەلەشەگى ءۇشىن باعىتتالعان ءار باستاماسىن قولدايدى.
ەلىمىزدە تىنىشتىق, بەيبىتشىلىك بولسىن. تاۋەلسىزدىگىمىزدىڭ تۇعىرى شايقالماسىن. ال وسى قۇندىلىقتاردى ساقتاپ قالۋ ءۇشىن ءاربىر قازاقستان ازاماتى ءوز بىلىمىمەن, ادال ەڭبەگىمەن ەل دامۋىنا ەلەۋلى ۇلەس قوسۋى ءتيىس.
الماسبەك ماۋلەنوۆ,
ءال-فارابي اتىنداعى قازۇۋ
جامبىل عىلىمي-زەرتتەۋ ورتالىعىنىڭ ديرەكتورى,
فيلوسوفيا عىلىمدارىنىڭ دوكتورى, پروفەسسور