قازگيدرومەت سينوپتيكتەرى 13, 14 جانە 15 قاڭتارعا ارنالعان اۋا رايى بولجامىن ۇسىندى, دەپ حابارلايدى Egemen.kz.
ماماندار مالىمەتىنشە, بيىلعى قىس سالىستىرمالى تۇردە جىلى.
«سينوپتيكا پروتسەستەرى تەز وزگەرىپ, بىردە اياز, بىردە جىلى بولىپ تۇر. قازىردىڭ وزىندە تاعى ءبىر انتيتسيكلون, ەل اۋماعىنان شىعىپ, اياز باسەڭدەدى. ال باتىستان تسيكلون تەز قوزعالىپ كەلەدى. ول ەلىمىز ارقىلى جىلجىپ, 15 قاڭتاردا قازاقستاننىڭ بارلىق وبلىسىن قامتيدى», دەلىنگەن حابارلامادا.
مەتەورولوگتاردىڭ ايتۋىنشا, تسيكلون اسەرىنەن جاڭبىر مەن قار, جەل جانە كوكتايعاق بولادى دەپ بولجانعان.
«ال تەرمومەتر باعاندارى تەز كوتەرىلەدى, ءتىپتى سولتۇستىك ايماقتاردا كۇندىزگى ۋاقىتتا 0-5 گرادۋس اياز بولادى دەپ كۇتىلەدى», دەدى ماماندار.