«قازاقپارات» حالىقارالىق اقپاراتتىق اگەنتتىگى قىتاي تىلىندەگى www.inform.kz پورتالىنىڭ تۇساۋكەسەرىن وتكىزدى.
جاڭا پورتالدىڭ تۇساۋكەسەر راسىمىندە «قازاقپارات» حالىقارالىق اقپاراتتىق اگەنتتىگىنىڭ باس ديرەكتورى داۋرەن دياروۆ پەن قىتاي حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى لە يۋيچەن اقپارات كەڭىستىگىندەگى ينتەرنەتتىڭ وزىندىك ورنىن اتاپ ءوتتى. ال بەينەجەلى ارقىلى بايلانىسقا شىققان قازاقستاننىڭ قىتاي حالىق رەسپۋبليكاسىنداعى توتەنشە جانە وكىلەتتى ەلشىسى نۇرلان ەرمەكباەۆ ەكى ەلدىڭ الەۋمەتتىك-ەكونوميكالىق جاعدايىن اقپاراتتاندىرۋعا باعىتتالعان جاڭا پورتالدىڭ جۇمىسىنا ساتتىلىك تىلەدى.
ل. يۋيچەن ايتقان دەرەككە جۇگىنسەك, قازىر قىتايدا 600 ملن.-عا جۋىق ازامات ينتەرنەت پايدالانادى ەكەن. وسىدان-اق جاڭادان اشىلعان پورتالدىڭ ماڭىزىن اڭعارۋعا بولادى. بۇل جاڭا پورتالدا اتقارۋشى رەداكتور حاميتبەك تۇرىسبەك پەن شەف-رەداكتور ريزابەك نۇسىپبەك ۇلى قىزمەت ىستەيدى.
ءامىرحان الماعانبەتوۆ.
دەرەككوز: Egemen.kz.
فوتو: اۆتور.