«استانا وپەرا» مەملەكەتتىك وپەرا جانە بالەت تەاترىندا الداعى ۋاقىتتا كورەرمەنگە ۇسىنىلاتىن بىرنەشە جاڭا قويىلىمعا دايىندىق جۇمىستارى ءجۇرىپ جاتىر.
ماسەلەن, يرجي كيلياننىڭ «التى بي» بالەتى جانە ءوزىنىڭ وتە جەڭىل سالماعىنا قاراماستان, ۇلكەن الىپتاردى جەڭىپ, الاياق تۇلكىدەن قۋلىعىن اسىرىپ, تۇتقىنداردى بوساتاتىن قاڭباق شال وقيعالارى تۋرالى جولان داستەنوۆتىڭ «قاڭباق شال» بالالار وپەراسى دايىندالۋدا.
بۇدان بولەك حورەوگراف رايموندو رەبەكتىڭ قويىلىمىندا سەرگەي پروكوفەۆتىڭ «كۇلبيكەش» بالەتى مەن دجواكينو ءروسسينيدىڭ «الجيردەگى يتاليالىق قىز» اتتى وپەراسى دا جوسپارلانىپ وتىر. ال ەڭ باستىسى, تەاترسۇيەر جاندار ءۇشىن باستى سىيلىق – ەۆگەني برۋسيلوۆسكيدىڭ «ەر تارعىن» ۇلتتىق وپەراسى ەكەنىن ايتا كەتەيىك. اتالعان جاڭا تۋىندىلار ناۋرىز-ءساۋىر ايلارىندا ۇسىنىلادى.