قازاقستاندا كادەگە جاراتۋ تولەمى بويىنشا بىرىڭعاي وپەراتور قۇرىلادى, سونداي-اق, كوەففيتسيەنتتەر قايتا قارالادى. بۇل تۋرالى ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ مالىمدەدى, دەپ حابارلايدى Egemen.kz.
«2016 جىلدان باستاپ قازىرگى ۋاقىتقا دەيىن كادەگە جاراتۋ تولەمى تۇرىندە تۇسكەن قاراجات 691,9 ميلليارد تەڭگە. الىنعان قاراجات قازاقستاننىڭ قولدانىستاعى زاڭناماسىنا سايكەس قاتاڭ تارتىپتە جۇمسالادى. اتاپ ايتقاندا, وتاندىق اۆتووندىرۋشىلەرگە 338,9 ميلليارد تەڭگە مولشەرىندە كادەگە جاراتۋ تۇرىندەگى بۇرىن تولەنگەن قاراجات قايتارىلدى, ەكولوگيالىق ماسەلەلەردى شەشۋگە - 102 ميلليارد تەڭگە جانە سالىققا - 49,1 ميلليارد تەڭگە باعىتتالدى», دەدى مينيستر ۇكىمەت وتىرىسىندا.
ۆەدومستۆو باسشىسىنىڭ ايتۋىنشا, قالعان 220,6 ميلليارد تەڭگە ەكىنشى دەڭگەيلى بانكتەردە جاتىر. برەكەشەۆ ۆەدومستۆو جەكە مەملەكەتتىك وپەراتور قۇرۋ ماسەلەسىن پىسىقتايتىنىن ايتتى.
«مينيسترلىك قوعام, بيزنەس جانە مەملەكەتتىك ورگاندار وكىلدەرىمەن بىرلەسىپ, جەكە مەملەكەتتىك وپەراتور قۇرۋ نەمەسە ونەركاسىپتى دامىتۋ قورى بازاسىندا, كادەگە جاراتۋ كوەففيتسيەنتتەرىن قايتا قاراۋ, سونداي-اق وتاندىق كو مەن اۋىل شارۋاشىلىعى تەحنيكاسىن ساتىپ الۋشىلارعا ۆاۋچەرلەر ۇسىنۋ بويىنشا ماسەلەنى پىسىقتايدى», دەدى برەكەشەۆ.
«وپەراتور روپ» جشس ەكولوگيالىق كودەكستىڭ 387-بابىنا سايكەس ۇكىمەتتىڭ 2015 جىلعى 30 جەلتوقسانداعى قاۋلىسىنا سايكەس قۇرىلعان.