جامبىل وبلىسىنىڭ پوليتسەيلەرى الماتى قالاسىنداعى اڭشىلىق دۇكەنىن توناعانداردى قولعا ءتۇسىردى, دەپ حابارلايدى Egemen.kz. Polisia.kz سايتىنا سىلتەمە جاساپ.
قورداي اۋدانى اۋماعىنداعى «الماتى-تاشكەنت» كۇرە جولى بويىندا پوليتسيا قىزمەتكەرلەرى مەملەكەتتىك تىركەۋ ءنومىرىنسىز جۇرگەن «Subaru Forester» كولىگىن توقتاتقان. تەكسەرۋ بارىسىندا كولىك ىشىنەن 12-ءشى كاليبرلى قارۋدىڭ 10 داناسى, 1 پنەۆماتيكالىق تاپانشا جانە اڭشىلىققا ارنالعان قۇرالدار شىققان.
اۆتوكولىكتىڭ 24 جاستاعى جۇرگىزۋشىسى مەن 27 جاستاعى جولاۋشىسى الماتى قالاسىنداعى جاپپاي تارتىپسىزدىكتەر كەزىندە اڭشىلىق دۇكەنىن توناعانى بەلگىلى بولدى. بۇگىندە قر قىلمىستىق كودەكسىنىڭ 291-بابىنىڭ 3-بولىمىمەن سوت الدىنداعى تەرگەۋ امالدارى جۇرگىزىلۋدە.