ءۇش بانك قازا بولعان پوليتسەيلەر مەن اسكەريلەردىڭ نەسيەسىن كەشىرەدى

بۇل تۋرالى Jusan Bank جانە ۆتب بانك مالىمدەدى

«Jusan Bank تەرروريزمگە قارسى وپەراتسيالار جانە قوعامدىق ءتارتىپتى رەتتەۋ كەزىندە قازا بولعان اسكەريلەر مەن قۇقىق قورعاۋ قىزمەتكەرلەرىنىڭ وتباسىنا قايعىرا كوڭىل ايتادى. قازا بولعان قىزمەتكەرلەردىڭ بانكتەگى بارلىق كرەديتى كەشىرىلەدى. 

Jusan Bank تج جاعدايىندا بانك جانە ءموبيلدى قوسىمشا جۇمىسىنداعى ىركىلىستەرگە بايلانىستى كليەنتتەر تولەمىنە ايىپپۇل جانە ءوسىمپۇل سالۋ توقتاتىلاتىنىن حابارلايدى.Jusan Bank-تىڭ بارلىق ىشكى جۇيەسى جۇمىس ىستەپ تۇر. بانك جۇمىسى كەزەڭ-كەزەڭىمەن قوسىلادى. قازىرگى ۋاقىتتا قازاقستان بويىنشا بانكومات جۇيەسى تولىق جۇمىس ىستەپ تۇر. ءموبيلدى قىزمەت ىسكە قوسىلعان», دەدى بانك وكىلدەرى. 

ۆتب بانك قازا بولعان اسكەريلەر مەن پوليتسەيلەر وتباسىنا كوڭىل ايتىپ, ولاردىڭ بارلىق كرەديتى كەشىرىلەتىنىن حابارلادى.

«سونداي-اق, بانك 2022 جىلعى 5-19 قاڭتار تج كەزەڭىندە زاڭدى جانە جەكە تۇلعالارعا كرەديت بويىنشا ايىپپۇل جانە ءوسىمپۇل سالمايدى. سالىمشىلار قارجىسى تولىق ساقتالعان. ۆتب بانك قازاقستان بويىنشا جاعداي تۇراقتالىپ, ينتەرنەت جەلىسى تولىق قوسىلعانىنا قاراي شتاتتىق رەجيمدەگى جۇمىس كەستەسىنە اۋىسادى», دەدى كومپانيا وكىلى.

الفا-بانك ءباسپاسوز قىزمەتى دە قازا بولعان پوليتسەيلەر مەن اسكەريلەر وتباسىنىڭ كرەديتى كەشىرىلەتىنىن مالىمدەدى.

«الفا-بانك قازاقستان قىزمەتتىك مىندەتىن اتقارۋ كەزىندە قازا بولعان پوليتسەيلەر مەن اسكەريلەر وتباسىنىڭ كرەديتىن كەشىرەدى», دەدى الفا-بانك باس ديرەكتورى اندرەي تيمچەنكو.

ەسكە سالايىق, بۇعان دەيىن بانك 2022 جىلعى 5-19 قاڭتار تج كەزەڭىندە زاڭدى جانە جەكە تۇلعالارعا كرەديت جانە Alfa Black كارتاسى بويىنشا تولەم مەرزىمى ءوتىپ كەتۋىنە بايلانىستى ايىپپۇل جانە ءوسىمپۇل ەسەپتەلمەيتىنىن حابارلاعان بولاتىن. 

بۇعان دەيىن Halyk Bank جاپپاي تارتىپسىزدىك كەزىندە قازا بولعان قۇقىق قورعاۋ قىزمەتكەرلەرى وتباسىنا 5 ميلليون تەڭگەدەن بەرەتىنىن حابارلاعان بولاتىن. ال «تسەنتركرەديت» قازا بولعاندار وتباسىنا ميلليون تەڭگەدەن بەرەدى. سونداي-اق, ەۆرازيسكي بانك تە قازا بولعاندار كرەديتىن كەشىرەتىنىن حابارلاعان ەدى.