قازاقستانداعى جاپپاي تارتىپسىزدىك كەزىندە ەلىمىزدەگى بيزنەسكە كەلتىرىلگەن شىعىن 92,3 ملرد تەڭگەدەن اسقانى ءمالىم بولدى, دەپ حابارلايدى Egemen.kz «اتامەكەن» ۇكپ ءباسپاسوز قىزمەتىنە سىلتەمە جاساپ.
ءباسپاسوز قىزمەتى تاراتقان مالىمەتتەرگە زەر سالساق: «9 قاڭتار, ساعات 09.00-دەگى جاعداي بويىنشا, سall-ورتالىققا 2320 قوڭىراۋ كەلىپ ءتۇستى. ونىڭ ىشىندە: توناۋ ماسەلەلەرى بويىنشا – 1127, فورس-ماجور بويىنشا – 26, بلوك-بەكەتتەر بويىنشا – 2, جەكە تۇلعالاردىڭ قوڭىراۋلارى بويىنشا – 1052 ءوتىنىش بەرىلدى. ەلىمىزدىڭ 10 وڭىرىندە 1351 وبەكتىدە ورنالاسقان 1181 بيزنەس نىسانى زارداپ شەككەن. ونىڭ ىشىندە الماتىدا – 1091 وبەكتىدە ورنالاسقان 935 سۋبەكت بار», دەلىنگەن.
كاسىپكەرلەر پالاتاسىنىڭ اقپاراتىنا كوز جۇگىرتسەك: ساۋدا سالاسىندا – 1122; قوعامدىق تاماقتاندىرۋ سالاسىندا – 17; قارجى سەكتورىندا – 31, لوگيستيكا سالاسىندا – 8 نىسان زارداپ شەككەن.
«كەلتىرىلگەن شىعىننىڭ جالپى سوماسى 92,3 ملرد تەڭگەدەن استى. الماتىداعى شىعىن 90,7 ملرد تەڭگە كولەمىندە», دەلىنگەن حابارلامادا.