كونترتەررورلىق ءىس-شارالارمەن قاتار ينتەرنەت تە شەكتەلگەنى ءمالىم. سەبەبى تەرروريستىك توپتار ءىس-ارەكەتتەرىن جوسپارلاپ, ۇيلەستىرۋ ءۇشىن بايلانىس قۇرالدارىن پايدالانۋدا. بۇل تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين جەلىدەگى پاراقشاسىندا جازدى, دەپ حابارلايدى Egemen.kz.
«نەگىزگى سالالاردى تسيفرلاندىرۋ سالدارىنان كوپتەگەن ادامدار قولما-قول اقشاسىز قالدى. سوندىقتان ءبىز ۇلتتىق بانكپەن, سونداي-اق باسقا دا بانك جانە ۇيىمدارمەن بىرگە ينتەرنەتتىڭ جوقتىعىنا قاراماستان, كەيبىر رەسۋرستاردى تاۋلىك بويى قولجەتىمدى ەتۋ مەحانيزمىن جاسادىق.
قازىرگە ساتتە:
1. حالىق حوۋمبانك پەن كاسپيدىڭ تولەم سەرۆيستەرىن قولدانۋعا بولادى. باسقا دا بانكتەردى قوسۋ جۇمىسى اتقارىلىپ جاتىر. ياعني ينتەرنەت بولماسا دا, بۇل قوسىمشالار قولجەتىمدى بولادى.
بىرقاتار اقپاراتتىق رەسۋرستار جۇمىس ىستەپ تۇر: egemen.kz, tengrinews.kz, inform.kz, baq.kz, 24.kz, stopfake.kz, qazaqstan.kz جانە ت.ب. akorda.kz سايتى وفلاين تارتىپتە قولجەتىمدى», دەپ جازدى مينيستر.بۇگىن باسقا دا اسا قاجەتتى سەرۆيستەردى ىسكە قوسۋ ماسەلەسى شەشىلەدى. جۇمىستار بىرتىندەپ جۇزەگە اسۋدا, ءار رەسۋرستى جەكە-جەكە قاراستىرىپ, ارام پيعىلدىلاردىڭ پايدالانباۋىن قاداعالاپ, قاۋىپسىزدىكتى قامتاماسىز ەتۋ قاجەت.
پرەزيدەنتتىڭ بىرنەشە تاپسىرماسى ورىندالدى.ءبىرىنشى: ينتەرنەت وشىرىلگەندىكتەن, ادامدار دىبىس جانە سمس ترافيگىن پايدالانعاندىقتان, بارلىق ابونەنتتەرگە تەگىن 200 سمس پەن 300 مينۋت بەرىلدى.
ەكىنشى: زارداپ شەككەندەر مەن ءىز-ءتۇسسىز جوعالعانداردى ىزدەۋ بويىنشا 1414 كولل-ورتالىعى نەگىزىندە تىكەلەي جەلى ۇيىمداستىرىلدى.
ءۇشىنشى: بايلانىس وپەراتورلارىمەن تىعىز جۇمىس ىستەۋدىڭ ارقاسىندا ازاماتتارعا SMS ارقىلى حابارلاندىرۋلار مەن جاڭالىقتار جولدانۋدا.