بوتسۆانا پرەزيدەنتى موكۆەتسي ماسيسي كوروناۆيرۋس جۇقتىرىپ الدى. ول ءوز-ءوزىن ۋاقىتشا وقشاۋلاپ ۇستاماق. ەندى ونىڭ مىندەتىن ۆيتسە-پرەزيدەنت ۋاقىتشا اتقارادى, دەپ حابارلايدى Egemen.kz.
«پرەزيدەنت اكىمشىلىگى بوتسۆانا رەسپۋبليكاسىنىڭ پرەزيدەنتى دوكتور موكۆەتسي ەريك كيبەتسۆە ماسيسي ءوزىنىڭ رەزيدەنتسياسىندا مىندەتتى تۇردە وقشاۋلانعانىن حابارلاعىسى كەلەدى. بۇل قاجەتتىلىك COVID-19 تەستىنىڭ وڭ ناتيجەسىنەن تۋىندادى», دەلىنگەن ۇكىمەتتىڭ پاراقشاسىندا جاريالانعان قۇجاتتا.
مالىمدەمەگە سايكەس, 59 جاستاعى پرەزيدەنتتەن دەرتتىڭ ەشقانداي بەلگىلەرى بايقالماعان. بىراق ول دارىگەرلەردىڭ باقىلاۋىندا بولۋدى ءجون دەپ تاپقان.