2022 جىلدىڭ 5 قاڭتارىنان باستاپ Covid-19 كوروناۆيرۋس ينفەكتسياسىنىڭ تارالۋىنىڭ الدىن الۋ بويىنشا قوسىمشا شارالار شەڭبەرىندە جەكەلەگەن وبەكتىلەردىڭ قىزمەتىنە ەنگىزىلەتىن جاڭا شەكتەۋلەر كۇشىنە ەنەدى, دەپ حابارلايدى Egemen.kz.
قابىلدانعان شارالار كوروناۆيرۋستىڭ «وميكرون» ءتۇرىنىڭ تارالۋ جانە جۇعۋ جىلدامدىعىنا نەگىزدەلگەن, ول قازىردىڭ وزىندە الەمنىڭ 110 ەلىندە انىقتالدى, ال 30 قاراشادا ول نەبارى 10 ەلدە انىقتالعان بولاتىن.«وميكرون» ءتۇرىنىڭ تارالۋى بىرقاتار ەلدىڭ دەنساۋلىق ساقتاۋ جۇيەسىنىڭ شامادان تىس جۇكتەلۋىن تۋدىرۋدا. وسىعان بايلانىستى قابىلدانىپ وتىرعان شارالار ەپيدەميولوگيالىق جاعدايدىڭ تۇراقتىلىعىن ساقتاۋعا, اۋرۋلار سانىنىڭ ءوسۋ قاۋپىن ازايتۋعا, نەعۇرلىم قاتاڭ شەكتەۋ شارالارىن ەنگىزۋگە جول بەرمەۋگە باعىتتالعان.كوروناۆيرۋستىڭ بۇل ءتۇرىنىڭ جۇقپالىلىعى «دەلتا» نۇسقاسىنا قاراعاندا 5 ەسە جوعارى ەكەنىن ەستە ساقتاۋ كەرەك. دۇنيەجۇزىلىك دەنساۋلىق ساقتاۋ ۇيىمىنىڭ بولجامى بويىنشا اۋرۋ بىرنەشە ايدىڭ ىشىندە بۇكىل الەمگە تارالۋى مۇمكىن.