تۇركىستان وبلىسىندا الاياقتىق جاساعان ايەلگە قاتىستى سوت ۇكىمى شىقتى. ول 4 جىلعا باس بوستاندىعىنان ايىرىلدى, دەپ حابارلايدى Egemen.kz.
كەنتاۋ قالالىق پوليتسيا دەپارتامەنتىنە جەرگىلىكتى تۇرعىننان ارىز تۇسكەن. ونىڭ ايتۋىنشا, تانىسى كەنتاۋ قالاسىنان پاتەر الىپ بەرەم دەپ 2 ميلليون تەڭگە اقشا العان. بىراق ول ايتقان ۋادەسىن ورىنداماعان, العان اقشاسىن دا قايتارماعان.
پوليتسيا قىزمەتكەرلەرى بۇل جايتتى قك-ءنىڭ 190-بابى (الاياقتىق) بويىنشا تىركەۋگە الدى. كەنتاۋ قالالىق پوليتسيا دەپارتامەنتىنىڭ قىزمەتكەرلەرى جەدەل ىزدەستىرۋ جۇمىستارىن جۇرگىزىپ, كۇدىكتىنى ۇستادى.
ۆەدومستۆو مالىمەتىنشە, ۇستالعان ازاماتتىڭ بۇدان باسقا سەگىز وقيعاعا قاتىسى بار ەكەنى انىقتالعان. ءىس قۇجاتتارى زاڭدى شەشىم قابىلداۋ ءۇشىن كەنتاۋ قالالىق سوتىنا جولدانعان. ناتيجەسىندە وعان قاتىستى سوت ۇكىمى شىقتى.
«قر قك-ءنىڭ 190-بابىندا كوزدەلگەن زاڭ تالاپتارىن ورەسكەل بۇزعان كۇدىكتىگە قاتىستى كەنتاۋ قالالىق سوتى ءتورت جىلعا باس بوستاندىعىنان شەكتەۋ جازاسىن تاعايىندادى», دەپ مالىمدەدى ۆەدومستۆو وكىلى.