قر يدم اۆتوجول جوبالارىن ىسكە اسىرۋ قورىتىندىسىن شىعاردى, دەپ حابارلايدى Egemen.kz.
بيىل بۇل سالادا اۋقىمدى جۇمىس جۇرگىزىلدى.
رەسپۋبليكالىق جانە جەرگىلىكتى ماڭىزى بار اۆتوجولداردىڭ 10 مىڭ شاقىرىمى قۇرىلىس, رەكونسترۋكتسيا جانە جوندەۋ جۇمىستارىمەن قامتىلدى. ونىڭ 3,6 مىڭى رەسپۋبليكالىق ماڭىزى بار جولدار:
- تالدىقورعان - وسكەمەن
- قاراعاندى – بالقاش – بۋرىلبايتال – كۇرتى - قاپشاعاي
- اقتوبە – اتىراۋ - استراحان
- قالباتاۋ - مايقاپشاعاي
- ءۇشارال - دوستىق
- ۇزىناعاش - وتار
- مەركى - بۋرىلبايتال
- قوستاناي - دەنيسوۆكا
قۇرىلىس ماۋسىمىنا جولدارداعى جوبالارعا 200 مىڭداي ادام جانە 12 مىڭعا تارتا جول-قۇرىلىس تەحنيكاسى جۇمىلدىرىلدى.
جىل قورىتىندىسىندا جولداردىڭ ساپاسىن ارتتىرا وتىرىپ, I جانە II ساناتتاعى 2248 شاقىرىم اۆتوجول پايدالانۋعا بەرىلدى. جاقىن ماڭداعى 120 ەلدى مەكەندى قامتىعان سەنىمدى كولىك قاتىناسى قامتاماسىز ەتىلدى. ءىرى ەلدى مەكەندەر جانىندا 6 اينالما جولى سالىنىپ, كولىك جانە ترانزيتتىك تاسىمالدار كولەمى 2,5 ەسە ارتتى.
بۇل رەتتە جول قۇرىلىسىنداعى قازاقستاندىق قامتۋ 90%-دان استى.
جول بويىنداعى سەرۆيستى دامىتۋ ءۇشىن ءتيىستى قىزمەتتەردى تولىق قامتيتىن 71 كەشەن ىسكە قوسىلدى. ولار: كەمپينگتەر, موتەلدەر, جانارماي قۇيۋ ستانسالارى, تەحنيكالىق قىزمەت كورسەتۋ ستانسالارى, تاماقتاناتىن جانە ساۋدا ورىندارى جانە ت.ب.