پارلامەنت ءماجىلىسىنىڭ بۇگىنگى جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە باسەكەلەستىكتى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا سەنات ەنگىزگەن وزگەرىستەردى قابىلدادى, دەپ حابارلايدى Egemen.kz.
زاڭ جوباسى مەملەكەتتىڭ كاسىپكەرلىككە قاتىسۋىن قىسقارتۋعا, كاسىپكەرلىك سۋبەكتىلەرىنىڭ مەملەكەتتىك قولداۋ شارالارىنا تەڭ قول جەتكىزۋىن قامتاماسىز ەتۋگە, شاعىن جانە ورتا كاسىپكەرلىكتى دامىتۋعا, سونداي-اق تاۋار نارىقتارىنا كىرۋ ءۇشىن اكىمشىلىك جانە ەكونوميكالىق كەدەرگىلەردى بارىنشا قىسقارتۋعا باعىتتالعان.
«اتالعان زاڭ جوباسى 8 جەلتوقساندا ماقۇلداندى جانە ول سەناتقا قابىلدانعان 152 پوزيتسيامەن جىبەرىلدى. سەنات ەنگىزگەن تۇزەتۋ ناقتىلاۋ سيپاتىنا يە, ءماجىلىس ماقۇلداعان زاڭ جوباسىنىڭ تۇجىرىمداماسى مەن مازمۇنىن وزگەرتپەيدى. كوميتەت ء(ماجىلىستىڭ ەكونوميكالىق رەفورما جانە وڭىرلىك دامۋ كوميتەتى) «قازاقستان رەسپۋبليكاسىنىڭ كەيبىر زاڭنامالىق اكتىلەرىنە باسەكەلەستىكتى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا سەنات ەنگىزگەن وزگەرىستەرمەن كەلىسۋدى ۇسىنادى», دەدى ءماجىلىس دەپۋتاتى سامات اقىشەۆ.
قۇجاتتى قاراۋ كەزىندە دەپۋتاتتار بۇل ۇسىنىستى ءبىراۋىزدان قولدادى.