بەلگىلى عالىم, رەسپۋبليكاعا ەڭبەك سىڭىرگەن وفتالمولوگ دارىگەر, جازۋشى عابيدەن ءمۇستافيننىڭ قىزى, پروفەسسور جانار عابيدەنقىزى مۇستافينا ومىردەن ءوتتى, دەپ حابارلايدى Egemen.kz.
بۇل تۋرالى اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى حابارلادى.
«بەلگىلى عالىم, قازاقستاننىڭ ەڭبەك سىڭىرگەن دارىگەرى, پروفەسسور جانار عابيدەنقىزى مۇستافينا 86 جاسىندا ومىردەن وزدى. ول مەديتسينا مەن عىلىمعا بار كۇش-جىگەرىن ارنادى, عىلىمعا, قازۇمۋ-دە وقۋ-تاربيە ءىسىن قالىپتاستىرۋعا زور ۇلەس قوستى. ونىڭ ەڭبەگى رەسپۋبليكادا جانە ودان تىس جەرلەردە لايىقتى بەدەل مەن قۇرمەتكە يە بولدى. حالىق جانە مەملەكەت الدىنداعى قىزمەتى «پاراسات», «قۇرمەت بەلگىسى», «قازاقستان رەسپۋبليكاسىنىڭ ەڭبەك سىڭىرگەن دارىگەرى» وردەندەرىمەن ماراپاتتالعان.
اسفەندياروۆ اتىنداعى قازۇمۋ وقىتۋشىلارى, ستۋدەنتتەرى مەن قىزمەتكەرلەرى مارقۇمنىڭ تۋىستارىنىڭ قايعىسىنا ورتاقتاسىپ, وتباسى مەن جاقىندارىنا كوڭىل ايتادى. جانار عابيدەنقىزىنىڭ جارقىن بەينەسى, ونىڭ جىگەرى, مەيىرىمدىلىگى, ۇقىپتىلىعى, پاراساتتىلىعى مەن جان دۇنيەسى ونى تانىپ, بىرگە جۇمىس ىستەۋ باقىتىنا يە بولعان جانداردىڭ جادىندا ماڭگى ساقتالادى», دەلىنگەن قازۇمۋ حابارلاماسىندا.