قر پرەمەر-ءمينيسترى اسقار مامين قۇرىلىس سالاسىن جەتىلدىرۋ باعىتى بويىنشا بىرقاتار تاپسىرما بەردى, دەپ حابارلايدى Egemen.kz.
«بىرىنشىدەن, يندۋستريا مينيسترلىگى «سامۇرىق-قازىنا» قورىمەن, «بايتەرەك» حولدينگىمەن, «اتامەكەن» ۇلتتىق پالاتاسىمەن جانە وڭىرلەر اكىمدەرىمەن بىرلەسىپ, ءبىر اي مەرزىمدە 2025 جىلعا دەيىن قۇرىلىس يندۋسترياسى جوبالارىن ىسكە اسىرۋ جونىندەگى جول كارتاسىن ازىرلەسىن», دەدى اسقار مامين ۇكىمەت وتىرىسىندا.
يندۋستريا مينيسترلىگىنە «بايتەرەك» حولدينگىمەن بىرلەسىپ نارىقتاعى دەلدالداردى الىپ تاستاۋ جانە قۇرىلىس ماتەريالدارىنىڭ قۇنىن تومەندەتۋ ماقساتىندا 2022 جىلعى 1 ناۋرىزعا دەيىن «ماركەتپلەيس» ونلاين-الاڭىن ونەركاسىپتىك پايدالانۋعا ەنگىزۋ تاپسىرىلدى.
ء«ۇشىنشى ماسەلە, يندۋستريا مينيسترلىگى باسەكەلەستىكتى قورعاۋ اگەنتتىگى مەن اكىمدىكتەرمەن بىرلەسىپ قۇرىلىس ماتەريالدارى باعاسىنىڭ نەگىزسىز ءوسۋ فاكتىلەرى بويىنشا تۇراقتى باقىلاۋدى جانە دەر كەزىندە دەن قويۋ شارالارىن قابىلداۋدى قامتاماسىز ەتسىن», دەپ تۇيىندەدى اسقار مامين.