«Top Rank» پروموۋتەرلىك ۇيىمىنىڭ جەتەكشىسى تودد ديۋبوف 2022 جىلدىڭ ءبىرىنشى جارتىسىندا دجوردج كامبوسوس پەن ۆاسيلي لوماچەنكو اراسىندا جەكپە-جەك ۇيىمداستىرۋعا نيەتتى, دەپ حابارلايدى Egemen.kz.
«ۆاسيلي لوماچەنكو ءوزىنىڭ كومانداسىنا جانە بىزگە دجوردج كامبوسوسپەن الەمنىڭ ءابسوليۋتتى چەمپيونى اتاعىنا تالاسۋعا نيەتتى ەكەنىن انىق اڭعارتتى. ءبىز ءوز كەزەگىمىزدە بۇل ماسەلەنى اقىلداسىپ جاتىرمىز. كەلەسى جىلدىڭ العاشقى جارتىسىندا ۇيىمداستىرامىز دەگەن ۇمىتتەمىز.
ۆاسيلي كاسىپقوي رينگتە ەكىنشى جەكپە-جەگىندە الەم چەمپيونى اتاعىنا تالاسىپ, ءوزىنىڭ كىم ەكەنىن انىق كورسەتتى. ول ساتسىزدىكتەن ساباق شىعارا بىلەتىن بوكسشى. ەكى بىردەي مىقتى قارسىلاستى ايقىن جەڭىپ, جەڭىستى جورىعىن قايتا باستاۋى ۆاسيانىڭ مىقتىلىعىن بايقاتادى. قىسقاسى لوماچەنكو وزىنە تيەسىلى اتاقتى قايتارعىسى كەلەدى. ءبىز وعان كومەكتەسەمىز», دەيدى ول.