كۇنى كەشە عانا الەمدىك جانە قۇرلىقتىق ترياتلون فەدەراتسيالارى 2022 جىلدىڭ 23–24 ماۋسىم ارالىعىندا نۇر-سۇلتاندا U23 پەن Junior ساناتتارىنداعى سپورتشىلار اراسىندا ازيا چەمپيوناتى وتەتىنىن راستادى.
بۇل اقپاراتتى قازاقستان رەسپۋبليكاسى ۇلتتىق وليمپيادا كوميتەتىنىڭ رەسمي سايتى تاراتىپ وتىر. وسىلايشا, ەل استاناسىندا العاش رەت 2022 Asia Triathlon Junior and U23 Championships Nur-Sultan اتتى قۇرلىقتىق بىرىنشىلىكتىڭ جالاۋى جەلبىرەگەلى وتىر. نەگىزى بۇل باسەكە 2021 جىلى ۇيىمداستىرىلۋعا ءتيىس ەدى. الايدا الەمدەگى تۇراقسىز ەپيدەميالىق جاعدايعا جانە بىرقاتار ەلدەردەگى شەكتەۋلەرگە بايلانىستى اتالعان جارىس بەلگىلەنگەن مەرزىمدە وتكەن جوق.
ەسكە سالا كەتەيىك, 24 شىلدەگە TEMIRADAM كۋبوگىنىڭ V كەزەڭى جوسپارلانىپ وتىر. Pro جانە Age Group ساناتىنداعى سايىسكەرلەر قۇرلىقتىق چەمپيوناتتىڭ تاريحي ديستانتسياسىندا سىنعا ءتۇسۋ مۇمكىندىگىنە يە بولدى.