قوستانايدا بەسىنشى سىنىپ وقۋشىسى جانىپ جاتقان ساياجاي ۇيىنەن ءتورت بالانى قۇتقارىپ قالدى, دەپ حابارلايدى Egemen.kz.
ءورت 25 جەلتوقساندا تۇستەن كەيىن قوستانايداعى «سادوۆود» ساياجاي ۇيلەرىنىڭ بىرىنەن شىققان. ول ۋاقىتتا 5-سىنىپ وقۋشىسى ولەگ پيروگ دالادا ويناپ جۇرگەن, كەيىن قالىڭ ءتۇتىندى بايقاپ, كورشىلەرىنىڭ ءۇيى جانىپ جاتقانىن كورگەن.
ء«ۇيدىڭ توبەسى وتقا ورانعان ەكەن. قورشاۋدا تەسىك بولعان, سودان ءوتىپ, بالالار قاعىپ جاتقان تەرەزەنى يتەردىم. كۇرتەشەمدى شەشىپ, قارعا قويدىم, ءسويتىپ تەرەزەدەن ءبىر-بىردەن الىپ شىعا باستادى, ويتكەنى ەسىك جانىپ جاتتى. ءبىر بالانىڭ ۇستىندە كيىم جوق ەكەن, وعان شالبار تاۋىپ بەردىم. ءتورتىنشى بالانى قۇتقارۋعا كىرمەك بولعانىمدا, ءبىر ەر ادام كەلىپ, ءوزى كىرىستى. ادرەناليننىڭ كۇشىمەن قورقىنىش بولمادى», دەيدى مەكتەپ وقۋشىسى.
مەكتەپ وقۋشىسىنىڭ ايتۋىنشا, ول ەر اداممەن بىرگە كوشەدە قاتىپ قالعان گاز باللونىن الىس قويعان. كەيىن ورتسوندىرۋشىلەر مەن اتا-اناسى كەلگەن. بالالار امان-ساۋ, بارلىعىنىڭ جاسى ەكىدەن سەگىزگە دەيىن
ولەگ پيروگ قوستاناي قالاسىنداعى №22 مەكتەپتە وقيدى, ودان باسقا وتباسىندا تاعى بەس اعا-اپكەسى بار.
«وقيعا ورنىندا ءتورت تەحنيكا, ءورت ءسوندىرۋ قىزمەتى جەكە قۇرامىنان 17 ادام جانە قالانىڭ باسقا دا شۇعىل قىزمەتتەرى جۇمىس ىستەدى. ورتسوندىرۋشىلەر جانىپ جاتقان ۇيدەن ەكى گاز باللونىن الىپ شىقتى. قۇتقارۋشىلار ءورتتى ساعات 12.07-دە وقشاۋلاپ, كورشى ساياجاي ۋچاسكەلەرىنە تارالۋ قاۋپىن جويدى. ساعات 12.28-دە ءورت ءسوندىرىلدى», دەپ حابارلادى قوستاناي وبلىسى تج دەپارتامەنتىنىڭ ءباسپاسوز قىزمەتى وكىلى.
ءورتتىڭ الدىن الا سەبەبى - پەشتى دۇرىس پايدالانباۋ.