رەسەيدە كوروناۆيرۋستىڭ جاڭا «وميكرون» شتامىن جۇقتىرۋ جاعدايلارى تىركەلدى. بۇل تۋرالى سەنبى كۇنى رەسەي فەدەراتسياسىنىڭ دەنساۋلىق ساقتاۋ ءمينيسترى ميحايل مۋراشكو مالىمدەدى, دەپ حابارلايدى Egemen.kz.
ء«بىز مونيتورينگ جۇرگىزىپ جاتىرمىز, جالپى, ۆيرۋستىڭ شەتەلدەن تاسىمالدانۋ جاعدايلارى بايقالادى, ولار تەز لوكاليزاتسيالانعان, بىراق رەسەي فەدەراتسياسىنىڭ اۋماعىندا «وميكرون» شتامى ينفەكتسياسىن جۇقتىرۋ جاعدايلارى بار», دەدى رەسەي فەدەراتسياسىنىڭ دەنساۋلىق ساقتاۋ ءمينيسترى روستوۆ - نا-دونۋعا جۇمىس ساپارى كەزىندە.
مينيستر سونىمەن قاتار رەسەيدىڭ دەنساۋلىق ساقتاۋ مينيسترلىگىنىڭ ساراپشىلار كوميسسياسى وميكروننىڭ جاڭا شتامىنان تۋىنداعان جاڭا كوروناۆيرۋس ينفەكتسياسىن ەمدەۋ ءۇشىن جاڭا ۇسىنىستار ازىرلەپ جاتقانىن ايتتى.
«بۇگىنگى تاڭدا ءدارى-دارمەكتەردىڭ جاڭا شتامىنان تۋىنداعان (كوروناۆيرۋس) تيىمدىلىگى مەن ەمدەلۋىن باعالاۋ بويىنشا زەرتتەۋلەر جۇرگىزىلدى, ونىڭ ءبىرازى مونوكلونالدى انتيدەنەلەرگە نەگىزدەلگەن. ءبىز بەلگىلى ءبىر تاسىلدەردى وزگەرتۋ قاجەت بولاتىنىن كورىپ وتىرمىز. كەشە دەنساۋلىق ساقتاۋ مينيسترلىگىنىڭ ساراپشىلار كوميسسياسى جۇمىسىن باستاپ, جاڭا ۇسىنىستار ازىرلەپ جاتىر. كەيبىر پوزيتسيالار جاڭا شتامم تۋدىراتىن اۋرۋلاردى ەمدەۋگە قاتىستى كەلىسىلدى», دەدى ول.
مۋراشكو دەنساۋلىق ساقتاۋ مينيسترلىگىنىڭ كەيبىر نورماتيۆتىك قۇجاتتارى قازىردىڭ وزىندە بەيىمدەلگەنىن جانە رەسەي پرەزيدەنتى ۆلاديمير ءپۋتيننىڭ تاپسىرماسى بويىنشا پاندەميامەن كۇرەسۋ جانە وميكرونمەن بايلانىستى كوۆيد اۋرۋلارىن قاداعالاۋ بويىنشا شارالار كەشەنى قابىلدانىپ جاتقانىن ايتتى.
«بۇگىنگى كۇنى بارلىق شارالار كەشەنى تولىق كولەمدە جۇزەگە اسىرىلۋدا», دەدى ول.