شىمكەنتتە «ەلباسى مەدالى» جاستار باعدارلاماسىنىڭ قاتىسۋشىلارى ماراپاتتالدى

ءىس-شارا قازاقستان جاستارىنىڭ كونگرەسى جانە «ەلباسى اكادەمياسى» كق, شىمكەنت قالاسى «دارىن» ورتالىعىنىڭ ۇيىمداستىرۋىمەن وتكىزىلدى. بيىل «ەلباسى مەدالى» جاستار باعدارلاماسىنا قازاقستان بويىنشا 10 000-نان استام ادام قاتىسۋعا ءوتىنىش بەرگەن.

ونىڭ ىشىندە شىمكەنت قالاسى بويىنشا 1050 ۇمىتكەر باعدارلاما قاتىسۋشىلارى اتانىپ وتىر. جوبا بارىسىندا قاتىسۋشىلار سپورت, كىتاپ وقۋ, ۆولونتەرلىق جانە دارىن مەن داعدى قالىپتاستىرۋ سەكىلدى 7 باعىت بويىنشا وزدەرىن دامىتىپ, شەبەرلىكتەرىن جەتىلدىردى.

قاتىسۋشىلارعا تالىمگەرلەر كۇندەلىكتى تاپسىرما بەرىپ, ونىڭ ورىندالۋىن باقىلاپ وتىرعان. ناتيجەسىندە وزدەرىن بىرنەشە اي ءار ءتۇرلى باعىتتا سىناعان 214 قاتىسۋشى مەدال يەگەرى اتاندى.

«وسى چەللەندجگە قاتىسا وتىرىپ, مەن ءوزىمدى جەتىلدىرىپ قانا قويماي, مۇددەسى مەن ماقساتى ورتاق جاڭا دوستار تاپتىم. ەڭ الدىمەن, باعدارلاما وزىممەن كۇرەسۋگە جانە ءوزىمدى جەڭە بىلۋگە ۇيرەتتى. مەن كۇن سايىن فيزيكالىق جاعدايىمدى جاقسارتىپ, داعدىلارىمدى دامىتتىم, اينالامداعىلارعا بارىنشا كومەك بەردىم. باستىسى وزىمشە ارەكەت ەتۋدى ۇيرەندىم. ماعان اتالعان باعدارلاما قىزىقتى ءارى ۇمىتىلماس تاجىريبە سىيلادى», دەيدى قولا مەدالدىڭ جەڭىمپازى اراي قىدىرباي.

مەدال يەگەرلەرىن شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان, ءماسليحات حاتشىسى باحادىر ءمادالى ۇلى نارىمبەتوۆ جانە ارمان وسپانوۆ, جازيرا جاپپارقۇل, دارحان اساديلوۆ سىندى ەلىمىزدىڭ سپورت مايتالماندارى ماراپاتتادى.

ەستەرىڭىزگە سالا كەتەيىك, قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن.ءا. نازارباەۆ 2019 جىلى بەلسەندى, كرەاتيۆتى جانە تالانتتى جاستاردى قولداۋ بويىنشا «ەl Úmiti» باستاماسىن ۇسىنعان بولاتىن.