26 جەلتوقساندا ەلوردانىڭ ورتالىق ساياباق اۋماعى مەن امفيتەاتر عيماراتى ماڭايىندا جاڭا جىل الدىنداعى اقشاقار مەن اياز اتالار ۆەلوشەرۋى وتەدى, دەپ حابارلايدى Egemen.kz قازاقستان ۆەلوسيپەد سپورتى فەدەراتسياسىنا سىلتەمە جاساپ.
26 جەلتوقسان كۇنى ساعات 13:30-دا ەلوردا تۇرعىندارى مەن قوناقتارى اقشاقار مەن اياز اتا كوستيۋمىن كيىپ, جاڭا جىل قارساڭىنداعى كەزەكتى ۆەلوشەرۋگە قاتىسا الادى.
ۆەلوشەرۋدىڭ نەگىزگى ماقساتى – مۇمكىندىگى شەكتەۋلى جانداردى سپورتپەن اينالىسۋعا شاقىرۋ, قوعامدىق شارالاردىڭ ماڭىزىن ارتتىرۋ, دەنساۋلىقتى قالپىنا كەلتىرۋ.
ۆەلوشەرۋ اياسىندا مۇمكىندىگى شەكتەۋلى جاندارعا ارنالعان تريتسيكلدەگى ۆەلوجارىس, جارىس قاتىسۋشىلارىنا ارنالعان فلەشموب, بالالارعا ارنالعان ويىن-ساۋىق باعدارلاماسى دا وتەدى.