«ەلباسى جىلۋى» قايىرىمدىلىق اكتسياسى اياسىندا 800-گە جۋىق وتباسىنا ازىق-ت ۇلىك جيىنتىعىمەن قولداۋ كورسەتىلەدى, دەپ حابارلايدى Egemen.kz نۇرسۇلتان نازارباەۆ قورىنىڭ ءباسپاسوز قىزمەتىنە سىلتەمە جاساپ.
جاڭا جىلدىق اكتسيا 27-28 جەلتوقسان كۇندەرى الماتى وبلىسى مەن نۇر-سۇلتان, الماتى قالالارىندا جانە 29 جەلتوقسان كۇنى تۇركىستان قالاسىندا وتەدى.
قايىرىمدىلىق شاراسى از قامتىلعان جانە كوپبالالى وتباسىلار, سونداي-اق ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلاردى قولداۋعا باعىتتالعان. ءاربىر وتباسى اكتسيا اياسىندا نۇرسۇلتان نازارباەۆ قورى مەن «دەگدار» گۋمانيتارلىق قورىنان سالماعى 120 كگ ازىق-ت ۇلىك الادى. ازىق-ت ۇلىك جيىنتىقتارىندا ۇن, كارتوپ, ءتۇرلى جەمىستەر, كۇرىش, قاراقۇمىق, شاي, قانت, كۇنباعىس مايى جانە جاڭا جىلدىق تاتتىلەر بار.
ء«بىزدىڭ حالقىمىز ارقاشان ءوزىنىڭ مەيىرىمدىلىگىمەن ەرەكشەلەنەتىن. كوروناۆيرۋس پاندەمياسى ءبىزدىڭ قوعامدا مۇقتاج ادامدارعا كومەكتەسۋگە دايىن ادامدار كوپ ەكەنىن تاعى ءبىر رەت كورسەتتى. قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ باستاماسى بويىنشا بيىل ءبىز «ەلباسى جىلۋى» اكتسياسىن ءۇشىنشى رەت جۇزەگە اسىرىپ جاتىرمىز. الدىڭعى ەكى اكتسيانى وتكىزۋدىڭ ارقاسىندا ەلىمىزدىڭ ءار وڭىرىنەن 1300-دەن استام وتباسى كومەكپەن قامتىلدى», دەدى نۇرسۇلتان نازارباەۆ قورىنىڭ اتقارۋشى ديرەكتورىنىڭ ورىنباسارى الكەي مارعۇلان ۇلى.
«دەگدار» گۋمانيتارلىق قورىنىڭ ديرەكتورى لاۋرا احمەتوۆا اكتسيانىڭ ماڭىزدىلىعى تۋرالى ايتا وتىرىپ, قازاقستاندىقتاردى قايىرىمدىلىققا قاتىسۋعا شاقىردى.
ء«بىز سەرىكتەستەرىمىزگە, ونىڭ ىشىندە lider KZ ەرىكتىلەر قوزعالىسىنىڭ مۇشەلەرىنە اكتسيانى ۇيىمداستىرۋعا قولداۋ كورسەتكەنى ءۇشىن ريزامىز. ءبىز قازاقستاندىقتاردى كەلە جاتقان جاڭا جىلمەن قۇتتىقتايمىز جانە بارلىق وتانداستاردى كومەككە مۇقتاج ادامدارعا قولداۋ كورسەتە وتىرىپ, جاقسىلىق جاساۋعا شاقىرامىز», دەدى ول ءوز سوزىندە.