وزبەكستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى ديرەكتورىنىڭ ورىنباسارى ت.س. حايداروۆ باستاعان دەلەگاتسيا قازاقستانعا كەلدى. ساپار ماقساتى – ەكى ەلدىڭ سىبايلاس جەمقورلىققا قارسى ۆەدومستۆولارى اراسىندا قول قويىلعان مەموراندۋمدى ىسكە اسىرۋ, دەپ حابارلايدى Egemen.kz.
سىبايلاس جەمقورلىققا قارسى قىزمەت باسشىسى م. احمەتجانوۆ دەلەگاتسياعا ەلىمىزدىڭ سىبايلاس جەمقورلىققا قارسى ساياساتى مەن جۇرگىزىلىپ جاتقان جۇمىستاردىڭ بارىسى جايلى قىسقاشا ايتىپ بەرىپ, تمد سىبايلاس جەمقورلىققا قارسى ءىس-قيمىل جونىندەگى مەملەكەتارالىق كەڭەستىڭ توراعاسى رەتىندە ارىپتەستەرىن كەلەسى وتىرىسقا قاتىسۋعا شاقىردى.
كەزدەسۋ بارىسىندا جۇمىس دەڭگەيىندە تاجىريبە الماسۋ بويىنشا سەسسيالار وتكىزىلدى. سىبايلاس جەمقورلىق ءۇشىن اكىمشىلىك جاۋاپكەرشىلىك, مەملەكەتتىك ساتىپ الۋ جۇيەسى, كىرىستەر مەن م ۇلىكتى دەكلاراتسيالاۋ, نقا جوبالارىنا سىبايلاس جەمقورلىققا قارسى ساراپتاما ماسەلەلەرى شەتەلدىك ارىپتەستەردىڭ ەرەكشە قىزىعۋشىلىعىن تۋدىردى.
دەلەگاتسيا حالىققا قىزمەت كورسەتۋ ورتالىقتارىن, نۇر-سۇلتان قالاسى اكىمدىگىنىڭ احۋالدىق ورتالىعىن, Antikor ortalygy مەن سارىارقا اۋدانى اكىمدىگىنىڭ سەرۆيستىك ورتالىعىن ارالاپ كوردى.
بۇل دەلەگاتسيا مۇشەلەرىنە سىبايلاس جەمقورلىق تاۋەكەلدەرىن ازايتاتىن قىزمەتتەردى كورسەتۋ پروتسەستەرىمەن ەگجەي-تەگجەيلى تانىسۋعا مۇمكىندىك بەردى.
سونىمەن قاتار وزبەك ارىپتەستەر باس پروكۋراتۋرا مەن ىشكى ىستەر مينيسترلىگىنىڭ وكىلدەرىمەن كەزدەستى. كەزدەسۋلەر اياسىندا قۇقىقتىق ستاتيستيكا جانە ارنايى ەسەپكە الۋ كوميتەتىنىڭ الاڭىندا قىلمىستىق پروتسەستى اۆتوماتتاندىرۋدى قامتاماسىز ەتەتىن جۇيەلەر تانىستىرىلدى.
ءىس-شارا سوڭىندا تاراپتار ءوزارا ءتيىمدى, ونىڭ ىشىندە ونلاين رەجيمدە سەمينارلار ۇيىمداستىرۋ ارقىلى ىنتىماقتاستىقتى دامىتۋعا نيەتتى ەكەندىكتەرىن ءبىلدىردى.