اقش جانە كانادا حوككەي كلۋبتارى باق سىنايتىن ۇلتتىق حوككەي ليگاسىنىڭ (ۇحل) ويىنشىلارى كەلەسى جىلى ءوز قۇرامالارىمەن بەيجىڭدەگى قىسقى وليمپيا ويىندارىنا قاتىسپايدى.
ياعني ۇحل بيىلعى قىسقى وليمپيادا كەزىندە ۇزىلىسكە شىقپايتىنىن مالىمدەدى. سايكەسىنشە, ليگادا ونەر كورسەتەتىن حوككەيشىلەر الداعى بەيجىڭ وليمپياداسىنا قاتىسا المايدى. ۇيىمنىڭ مۇنداي شەشىم قابىلداۋىنا, الەمدە كوروناۆيرۋستىڭ قايتا ءورشۋى سەبەپ بولۋى مۇمكىن. بۇعان دەيىن ۇحل كوماندالارى ءدال وسى پاندەميانىڭ سالدارىنان 50 ماتچىن كەيىنگە شەگەرگەن ەدى. سونداي-اق قازىرگى تاڭدا ليگا ويىندارى 21 جەلتوقساننان باستاپ روجدەستۆو مەرەكەسىنە دەيىن توقتاتىلدى.
ايتا كەتەيىك, ۇحل حوككەيشىلەرى 2018 جىلى دا پحەنچحان وليمپياداسىنا قاتىسپاعان.