الماتىدا جاسوسپىرىمدەر بۋللينگى تۋرالى ءفيلمنىڭ تۇساۋكەسەرى ءوتتى

كينوتۋىندىنى قر مادەنيەت جانە سپورت مينيسترلىگىنىڭ تاپسىرىسى بويىنشا «قازاقفيلم» كينوستۋدياسى «ستالكەر سينەما» كومپانياسىمەن بىرلەسىپ تۇسىرگەن.

«كۇنباعىس» — «ورتا جاس» داعدارىسىنا ۇشىراعان وتباسى تۋرالى دراماعا تولى حيكايا. ىشكى قايشىلىقتارىمەن اۋرە بولعان اتا-اناسىنىڭ قاراۋسىز قالعان ءجاسوسپىرىم بالا ۇيدە دە, مەكتەپتە دە «بۋللينگتىڭ» بارلىق سۇمدىقتارىن باستان كەشىپ, ءوز قيىندىعىمەن بەتپە-بەت قالعان كەرەكسىز ادامعا اينالادى. پانا ىزدەگەن ءامىر قۇمار ويىندارعا تاۋەلدىلىككە اكەلەتىن كومپيۋتەرلىك ويىندار الەمىنە ەنەدى...

مادەني ءىس-شارا بارىسىندا ءسوز سويلەگەن ءفيلمنىڭ قويۋشى رەجيسسەرى ەليا گيلمان تۇساۋكەسەرگە كەلگەن كورەرمەندەرگە العىسىن ايتا وتىرىپ, كارتينانىڭ كينوفەستيۆالدەردەگى جەتىستىكتەرىمەن ءبولىسىپ, كينوتۋىندىنىڭ ء تۇسىرۋ توبىنا جۇلدەلەرىن  تابىستادى.

وسىلايشا رەجيسسەر Istanbul Film Awards جانە Cannes Film Awards  كينوفەستيۆالدەرىندە ماراپاتتالعان «ۇزدىك اكتەر» جۇلدەسىن فيلمدە باستى رولدەردىڭ ءبىرىن سومداعان اكتەر ەركەبۇلان دايىروۆقا تابىستادى. سونداي-اق, باسقا دا جۇلدەلەردى ءفيلمنىڭ جاس اكتەرى راشيد مۋسين, ستسەناري اۆتورى راسۋل شىبىنتاي, وپەراتور الەكسەي كيريۋحين, قويۋشى سۋرەتشى وكسانا ازاماتوۆا, پروديۋسەرلەر گۇلسينا مۋستافينا مەن الەكساندر گيلمان الدى.

ايتا كەتسەك, جالپى العاندا وسى كۇنگە دەيىن «كۇنباعىس» دراماسى 27 حالىقارالىق كينوفەستيۆالدە ءتۇرلى نوميناتسيالار بويىنشا 47 سىيلىقتى قانجىعاسىنا بايلادى.

فيلمدە باستى رولدەردى سومداعان رەسەيلىك اكتەر كيريلل كيارو جانە سەربيالىق اكتريسا سلوبودا ميچالوۆيچ اتالعان ءىس-شاراعا قاتىسا الماعاندىقتان, بەينەجازبا ارقىلى ارىپتەستەرىن تۇساۋكەسەرمەن قۇتتىقتاپ, ساتتىلىك تىلەدى.

كورسەتىلىمنىڭ الدىندا رەجيسسەر ەليا گيلمان بۇل ءفيلمدى تۇسىرۋگە دوستارىنىڭ وتباسىندا ورىن العان قايعىلى جاعدايدىڭ تۇرتكى بولعانىن ايتتى.

– دوستارىمىز ۇلدارىنان ايىرىلىپ قالدى. بۇل جاعداي ماعان وتە اۋىر ءتيدى, ناتيجەسىندە وسى فيلم دۇنيەگە كەلدى. بۇل وقيعا – مەنىڭ بارلىق اتا-انالارعا جولداۋىم, مەن سياقتى ءوز بالالارىن تاربيەلەپ وتىرعان بۇكىل الەمدەگى انالار مەن اكەلەر مەنى تۇسىنەدى دەپ ۇمىتتەنەمىن. ءجاسوسپىرىم بولۋ, ەرەجەلەردىڭ قىسىمىنا قارسى تۇرۋ قيىن. ءبىز بالالارىمىزعا جاقىن بولۋىمىز كەرەك جانە ولاردى جاقسى كورۋ ءۇشىن قولدان كەلگەننىڭ ءبارىن جاساۋىمىز كەرەك, - دەدى رەجيسسەر ەليا گيلمان.

سونداي-اق رەجيسسەر «كۇنباعىس» ءفيلمى كەلەر جىلى ءساۋىر ايىندا پروكاتقا شىعاتىنىن حابارلادى.

قازىرگى تاڭدا «كۇنباعىس» ءفيلمى يەلەنگەن ماراپاتتاردىڭ تولىق ءتىزىمى تومەندەگىدەي:

«ۇزدىك تولىقمەترلى فيلم» سىيلىعى - New York Cinema Independent Awards, Toronto International Woman Film Festival, Crown Wood International Film Festival ء(ۇندىستان), Rome Movie Awards, Milan Gold Awards, KIFF (Kotka International Film Festival, Finland), موسفيلمفەست (ماسكەۋ, رەسەي), SLATE International Film Festival (گونكونگ, قىتاي)

«ۇزدىك رەجيسسەر» سىيلىعى - Venice Film Awards, Crown Wood International Film Festival ء(ۇندىستان), Paris International Film Festival, Tokyo International Monthly Film Festival, Milan Gold Awards, Hollywood Gold Awards

«ۇزدىك ايەل-رەجيسسەر» - Cannes World Film Festival, Istanbul Film Awards, New York Cinema Independent Awards, Crown Wood International Film Festival ء(ۇندىستان)

«ۇزدىك شەتەلدىك فيلم» سىيلىعى - Cannes World Film Festival, Istanbul Film Awards

«ۇزدىك دراما» سىيلىعى - Red Movie Awards (فرانتسيا), Istanbul Film Awards, Prague Film Awards

«ورىس تىلىندەگى ۇزدىك فيلم» سىيلىعى - Near Nazareth Film Festival (يزرايل)

«ۇزدىك اكتەر» سىيلىعى - Istanbul Film Awards (ەركەبۇلان دايىروۆ, سلوبودا ميچالوۆيچ, راشيد مۋسين), Milan Gold Awards (سلوبودا ميچالوۆيچ), Hollywood Gold Awards (سلوبودا ميچالوۆيچ)

«ۇزدىك جاس اكتەر» سىيلىعى - Cannes World Film Festival (راشيد مۋسين)

«ازيانىڭ ۇزدىك اكتەرى» - Cannes Film Awards (ەركەبۇلان دايىروۆ)

«ۇزدىك وپەراتور» سىيلىعى - Istanbul Film Awards (الەكسەي كيريۋحين)

«ۇزدىك ستسەناري» سىيلىعى - Hollywood Gold Awards (راسۋل شىبىنتاي)

«ۇزدىك قويۋشى-سۋرەتشى» سىيلىعى - Paris International Film Awards, London International Monthly Film Festival, Hollywood Gold Awards (وكسانا ازاماتوۆا)

«ۇزدىك پروديۋسەر» سىيلىعى – Beijing Film Festival (China), Hollywood Gold Awards (گۇلسينا مۇستافينا, الەكساندر گيلمان)

«ۇزدىك كومپوزيتور» سىيلىعى - LA Independent Film Awards

«شەبەرلىگى ءۇشىن» سىيلىعى - WRPN Women’s International Film Festival

قازىلار القاسىنىڭ ارنايى جۇلدەسى - White Nights Film Festival (سانكت-پەتەربور)

«ەرەكشە اتالىم» سىيلىعى - Paris Film Festival, LA Independent Film Awards