ەلوردالىق «پريگورودنىي» تۇرعىن الابىندا ارداگەرلەرگە ارنالعان ورتالىقپەن بىرىكتىرىلگەن InterPro جاڭا اۋلا كلۋبى اشىلدى, دەپ حابارلايدى Egemen.kz نۇر-سۇلتان اكىمدىگىنىڭ رەسمي سايتىنا سىلتەمە جاساپ.
اۋلا كلۋبىنىڭ اشىلۋىنا ەسىل اۋدانىنىڭ اكىمى بەرىك جاكەنوۆ, نۇر-سۇلتان قالاسىنىڭ جاستار ساياساتى ماسەلەلەرى باسقارماسىنىڭ باسشىسى قايرات قامباروۆ, قالالىق ءماسليحاتتىڭ دەپۋتاتى عابيت ءتاجىمۇراتوۆ قاتىستى.
«اۋلا كلۋبتارى وسكەلەڭ ۇرپاق ءۇشىن تارتىمدى ورتالىق بولىپ تابىلادى. مۇندا بالالاردىڭ اعىلشىن ءتىلى, حورەوگرافيا, شاحمات كۋرستارى جۇمىس ىستەيدى. بالالار بۇگىنگى تاڭدا ءبىزدىڭ كلۋبتاردا جۇمىس ىستەي وتىرىپ, جەتىستىككە جەتىپ, ءوز قابىلەتتەرىن اشادى. اۋلا كلۋبىنىڭ اشىلۋىنا باستاماشى بولعان تۇرار جۇبانىشقىزىنا جەكە العىسىمدى بىلدىرگىم كەلەدى. وسى مۇمكىندىكتى پايدالانا وتىرىپ, سىزدەرگە زور دەنساۋلىق, وتباسىلارىڭىزعا اماندىق جانە كاسىبي ءوسۋ تىلەيمىن!», دەدى بەرىك جاكەنوۆ.
ال قايرات قامباروۆ اۋلا كلۋبتارىنىڭ ەرەكشەلىگى مەن قوعام ىشىندەگى ماڭىزىن اتاپ ءوتتى.
«بۇگىن قازاقستان تاۋەلسىزدىگىنىڭ 30 جىلدىعى قارساڭىندا تاعى ءبىر اۋلا كلۋبىن اشىپ وتىرمىز. اۋلا كلۋبتارىنىڭ ەرەكشەلىگى - ولار بالالار مەن جاستارعا عانا ەمەس, قارت ادامدارعا دا ارنالعان. ءبىز حالقىمىزدىڭ بارلىق توپتارىنا نازار اۋدارۋىمىز كەرەك. وسىلايشا ءبىز جاستاردى اعا بۋىنمەن بىرىكتىرەمىز», دەدى قايرات قامباروۆ.
Aspan دەنە شىنىقتىرۋ-ساۋىقتىرۋ كەشەنىنىڭ ءبىرىنشى قاباتىندا بالالارعا اعىلشىن ءتىلىن, حورەوگرافيانى, شاحماتتى تەگىن ۇيرەتەدى. اعا بۋىن ءۇشىن تەگىن تسيگۋن ساباقتارى بار.
ايتا كەتسەك, بۇگىنگى تاڭدا ەسىل اۋدانىندا 4 اۋلا كلۋبى مەن ارداگەرلەرگە ارنالعان 20 ورتالىق جۇمىس ىستەيدى.