كوروناۆيرۋس ينفەكتسياسى تارالۋىنىڭ الدىن الۋ ماقساتىندا شىمكەنت قالاسى اكىمى مۇرات ايتەنوۆ بيىلعى ەسەبىن حالىقتى كەڭ قامتۋ ءۇشىن «Ońtústik» تەلەارناسىنىڭ تىكەلەي ەفيرى مەن اكىمدىكتىڭ بارلىق الەۋمەتتىك جەلىدەگى رەسمي پاراقشالارى ارقىلى جۇرگىزدى, دەپ جازادى Egemen.kz.
اكىم بۇل جىلعى ەسەبىن پاندەميا سالدارىنان تابىس كوزىنەن ايرىلعان تۇرعىنداردى الەۋمەتتىك كومەكپەن قامتۋ ءىسى بارىسىندا جۇرگىزىلگەن شارالاردان باستادى.
سونداي-اق, مۇرات ايتەنوۆ قالا تۇرعىندارىن ادامي كاپيتالدى بىرلەسە كوتەرۋگە شاقىردى. الەۋمەتتىك جاعدايدى تۇزەۋ ماقساتىندا جۇرگىزىلەتىن اكىمدىك جوسپارلارىمەن ءبولىستى.
«شىمكەنتتە بىلتىعى جىلى مەكتەپ وقۋشىلارىنىڭ سانى ءبىر جىلدا 20 889 بالا كوبەيگەن. ءبىلىم سالاسىنداعى ينفراقۇرىلىمدى شەشۋ ءۇشىن وتكەن جىلى 5 جىلعا جوسپار جاسادىق. 25 جىلعا دەيىن شىمكەنتتە 85 مەكتەپ اشىلادى. ونىڭ 33-ءى مەملەكەت ەسەبىنەن, 12-ءسى مەملەكەتتىك-جەكەمەنشىك ارىپتەستىك نەگىزىندە سالىنسا, 40 مەكتەپ جەكە ينۆەستورلار سالادى», دەدى قالا اكىمى.
تۇرعىندار تاراپىنان جولدانعان سۇراقتاردىڭ باسىم بولىگى دەنساۋلىق, شالعاي ەلدى مەكەندەردەگى ينفراقۇرىلىم, ترانسپورت جانە قۇرىلىس سالاسىنا قاتىستى بولدى. مۇرات ايتەنوۆ ونلاين ەسەبى اياسىندا تۇرعىندار مەن باق وكىلدەرىنىڭ ساۋالدارىنا جاۋاپ بەردى.