بۇگىن ءماجىلىستىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنداعى ادام قۇقىقتارى جونىندەگى ۋاكىل تۋرالى» زاڭ جوباسىنا سەنات ەنگىزگەن وزگەرىستەرمەن كەلىستى, دەپ حابارلايدى Egemen.kz.
ء«ماجىلىستىڭ زاڭناما جانە سوت-قۇقىقتىق رەفورما كوميتەتى «قازاقستان رەسپۋبليكاسىنداعى ادام قۇقىقتارى جونىندەگى ۋاكىل تۋرالى» زاڭ جوباسىنا پارلامەنت سەناتىنىڭ ەنگىزگەن وزگەرىستەرىن قاراستىرا وتىرىپ, بۇل وزگەرىستەر زاڭ جوباسىنىڭ نورمالارىن ناقتىلاۋعا باعىتتالعانىن جانە ونىڭ تۇجىرىمداماسىن وزگەرتپەيتىنىن اتاپ وتەدى», دەدى ءماجىلىس دەپۋتاتى دميتري كولودا.
تۇزەتۋلەر ادام قۇقىقتارى جونىندەگى ۋاكىل قىزمەتى كەپىلدىگىنە جانە باياندامالار دايارلاۋ ماسەلەلەرىنە بايلانىستى.
«كوميەتەت ء(ماجىلىستىڭ زاڭناما جانە سوت-قۇقىقتىق رەفورما كوميتەتى) ەنگىزىلگەن تۇزەتۋلەرمەن كەلىسۋدى ۇسىنادى», دەدى د. كولودا.
قۇجاتتى قاراۋ كەزىندە پالاتا دەپۋتاتتارى بۇل ۇسىنىسقا قولداۋ ءبىلدىردى.