UFC ۇيىمىنداعى اسا جەڭىل سالماقتا ونەر كورسەتەتىن قازاقستاندىق ماريا اگاپوۆا (10-2) كەلەسى جەكپە-جەگىن ۋكراينالىق مارينا موروزبەن (10-3) وتكىزەدى, دەپ حابارلايدى Egemen.kz.
بۇل تۋرالى Vesti.kz سايتى جازادى.
جەكپە-جەك 2022 جىلدىڭ 5 ناۋرىزىنا جوسپارلانعان UFC 272 تۋرنيرىندە وتەدى.
اگاپوۆا مەن موروزدىڭ ارالارىندا شەشىلمەگەن ماسەلەلەرى بار. بۇعان دەيىن 30 جاستاعى موروز ماريا اگاپوۆانى ەسىرتكى پايدالاندى, پوليتسيامەن پروبلەمالارى بار, ءتىپتى پىشاقپەن شابۋىل جاسادى دەپ ايىپتاعان بولاتىن.
ەسكە سالايىق, قازان ايىندا اگاپوۆا سابينا مازونى (9-3) جەڭىپ, ءۇش جەكپە-جەكتەن كەيىن پروموۋشندەگى ەكىنشى جەڭىسىنە قول جەتكىزدى. جەڭىسكە جەتكەننەن كەيىن قازاقستاندىق موروزدى جەكپە-جەك وتكىزۋگە شاقىرعان بولاتىن.