قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ تۋيتتەردەگى پاراقشاسىندا وسىدان 35 جىل بۇرىن كەڭەس وداعىنىڭ وكتەمدىگىنە قارسى شىققان قازاق جاستارى جايلى جازدى, دەپ حابارلايدى Egemen.kz.
«وسىدان 35 جىل بۇرىن قازاق جاستارى كەڭەس وداعىنىڭ وكتەمدىگىنە قارسى شىقتى. 1986 جىلعى نارازىلىق شەرۋى حالقىمىزدىڭ بوستاندىققا ۇمتىلىسىن كورسەتتى. تاۋەلسىزدىكتىڭ العاشقى قارلىعاشتارى – جەلتوقسان قاھارماندارىنىڭ وشپەس ەرلىگى ءبىزدىڭ مەملەكەتتىلىك تاريحىمىزعا ماڭگى جازىلدى», دەلىنگەن جازبادا.