شىمكەنت اۋەجايىنا جارىلعىش زات قويىلدى دەگەن اقپارات تەكسەرىلىپ جاتىر, دەپ حابارلايدى Egemen.kz.
وقيعا 15 جەلتوقساندا تاڭەرتەڭ بولعان. بەلگىسىز بىرەۋلەر شىمكەنتتەگى اۋەجايعا «بومبا قويىلعانىن» حابارلاعان.
كۋاگەرلەر ارنايى قىزمەت پەن قۇقىق قورعاۋ ورگاندارى وقيعا ورنىنا كەلىپ جاتقانى تۇسىرىلگەن ۆيدەو جاريالادى. كادرلارعا قاراعاندا, اۋەجايداعى بارلىق قىزمەتكەر مەن جولاۋشىلاردى كوشەگە شىعارۋعا تۋرا كەلگەن.
پوليتسيا مالىمەتىنشە, قازىر تەكسەرۋ جۇرگىزىلىپ جاتىر.
«دەرەك قىلمىستىق كودەكستىڭ 273-بابى «تەرروريزم اكتiسi تۋرالى كورiنەۋ جالعان حابارلاۋ» بويىنشا تىركەلدى. وزگە اقپارات تەرگەۋ مۇددەسىنە سايكەس جاريا ەتۋگە جاتپايدى», دەپ مالىمدەدى كولىكتەگى پوليتسيا دەپارتامەنتىنىڭ ءباسپاسوز قىزمەتى وكىلدەرى.