مەملەكەتتىك كىرىستەر كوميتەتى ەلىمىزگە «Apple» جانە «Samsung» فيرمالارىنىڭ سمارتفوندارى مەن ەلەكتروندىق قۇرىلعىلارىنىڭ ءىرى پارتياسىن جۇك بولىگىندە جاسىرىپ اكەلۋ ارەكەتتەرىنىڭ جولىن كەسۋ تۋرالى حابارلادى, دەپ جازادى Egemen.kz.
جۇكتەردى جاسىرىن تاسىمالداۋ ءۇشىن جابدىقتالعان قۇپيا ورنىنان «Iphone» سمارتفوندارىنىڭ 2 134 بىرلىگى, «Ipad» پلانشەتتەرىنىڭ 124 بىرلىگى, «Apple iWatch» سمارت-ساعاتىنىڭ 451 بىرلىگى جانە تاۋارعا ىلەسپە قۇجاتتارى جوق تانىمال برەندتەردىڭ باسقا دا ەلەكتروندىق قۇرىلعىلارى تابىلدى.
الدىن الا دەرەكتەر بويىنشا جۇكتىڭ جالپى قۇنى 1 ملرد تەڭگەدەن اسادى.
«اۋحاتتى» اۆتوموبيل وتكىزۋ پۋنكتى ارقىلى تەك بوس جۇك اۆتوكولىك قۇرالدارىنىڭ جۇرۋىنە رۇقسات ەتىلگەنىن اتاپ وتكەن ءجون.
اكەلۋ فاكتىسىنىڭ جولىن كەسۋ بويىنشا ءىس-شارالاردى جامبىل وبلىسى بويىنشا مەملەكەتتىك كىرىستەر دەپارتامەنتى ەكسپورتتىق باقىلاۋ باسقارماسىنىڭ قىزمەتكەرلەرى, قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى مەن جامبىل وبلىسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرىمەن بىرلەسىپ جۇرگىزدى.
اتالعان فاكت جامبىل وبلىسى شەكارا قىزمەتى دەپارتامەنتىنىڭ اەك-تە تىركەلىپ, پروتسەسسۋالدىق شەشىم قابىلداۋ ءۇشىن ەكونوميكالىق تەرگەۋ دەپارتامەنتىنە بەرىلدى.