ەلوردادا 16 جەلتوقسان كۇنى پريگورودنىي ەلدى مەكەنىندە تەحنيكالىق رەجيمدە جىل بويى جۇمىس ىستەيتىن العاشقى اۋىلشارۋاشىلىق جارمەڭكەسى اشىلادى. اۋدانى 7000 شارشى مەتر ساۋدا ورتالىعىندا 150 كاسىپكەر كوممەرتسيالىق قىزمەت ەتە الادى. جارمەڭكەدەگى ازىق-ت ۇلىك باعاسى بازار باعاسىنان تومەن بولادى, دەپ حابارلايدى Egemen.kz.
ەلوردانىڭ ءبىرىنشى جانە ازىرگە جالعىز جىل بويعى جارمەڭكەسىندە ازىق-ت ۇلىك تاۋارلارىنىڭ بارلىق ءتۇرى – ەت, جەمىس-جيدەك, كوكونىس, ءسۇت ونىمدەرى, تاۋىق ەتى, جۇمىرتقا, باكالەيا, جارما جانە نان-توقاش ونىمدەرى ساتىلاتىن بولادى. مۇندا جەرگىلىكتى ءوندىرىس ونىمدەرى, سونداي-اق قاراعاندى, پاۆلودار, اقمولا جانە وزگە دە وبلىستاردىڭ اۋىلشارۋاشىلىق ونىمدەرى ۇسىنىلادى. ساۋدا ورتالىعىنىڭ جۇمىسى ازىق-ت ۇلىك قاۋىپسىزدىگىن قامتاماسىز ەتۋگە مۇمكىندىك بەرەدى, ويتكەنى ازىق-ت ۇلىك باعاسى نارىقتان تومەن ءارى قوسىمشا جۇمىس ورىندارىن اشادى.
مۇنداي جارمەڭكەگە قاتىسۋ كاسىپكەرلەر ءۇشىن دە ءتيىمدى. ساۋدا ورتالىعى جۇمىسىنىڭ العاشقى ءۇش ايىندا ورىندار تەگىن بەرىلەدى دەپ جوسپارلانىپ وتىر. بۇدان ءارى جالداۋ اقىسى جەڭىلدىكتى تاريف بويىنشا الىناتىن بولادى, ول تەك كوممۋنالدىق قىزمەتتەر بويىنشا شىعىستاردى جابۋعا عانا باعىتتالادى.
اۋەجاي اۋماعىندا تۇراقتى جۇمىس ىستەيتىن جارمەڭكەسى بار ساۋدا ورتالىعىنىڭ اشىلۋى Big شانحاي ساۋدا ورتالىعىندا پايدا بولاتىن جول ترافيگىن ازايتۋعا مۇمكىندىك بەرەدى. قالا ماڭىنداعى ساۋدا ورتالىعى 50 000 استانالىق تۇرعىندى قامتيدى.