ەلوردادا «Altyn Samǵaý-2021» ۇلتتىق سپورتتىق جۇلدەسىن سالتاناتتى تۇردە تابىستاۋ ءراسىمى اياقتالدى. «جىلدىڭ ۇزدىك كومانداسى» اتاعىن فۋتزالدان قازاقستان قۇراماسى يەلەندى, دەپ حابارلايدى Egemen.kz.
بيىل فۋتزالدان قازاقستان كومانداسى الەم چەمپيوناتىنىڭ جارتىلاي فينالىنا شىققان بولاتىن. ءبىزدىڭ كوماندا الەمدىك دودادان ءتورتىنشى ورىن يەلەنىپ, تاريحي ناتيجە تىركەدى.
ء«بىز ءۇشىن بۇل جۇلدەنى الۋ ۇلكەن قۇرمەت! ءبىزدىڭ باسشىلىققا جانە «قايرات» كلۋبىنا راحمەت! ولار ءبىزدىڭ حالىقارالىق ارەناعا شىعۋىمىزعا مۇمكىندىك بەردى. جانكۇيەرلەر قولداۋىنا راحمەت! ءبىز باسقا كوماندالار دا جانكۇيەرلەردى قۋانتىپ, وسىنداي ناتيجە كورسەتە الادى دەپ سەنەمىز. سەنىم بىلدىرگەندەرىڭىز ءۇشىن راحمەت! تاعى دا العىس ايتامىن», دەدى كوماندا باس باپكەرى پاۋلو ريكاردو كاكا.