6 تۇرىك ازاماتىنان كوروناۆيرۋستىڭ وميكرون شتامىن جۇقتىرعانى راستالدى, دەپ جازادى Egemen.kz.
تۇركيانىڭ دەنساۋلىق ساقتاۋ ءمينيسترى TRT Haber ارناسىنىڭ ەفيرىندە بۇل ەلدەگى جاڭا COVID شتامىنىڭ العاشقى جاعدايلارى ەكەنىن حابارلادى.
دەنساۋلىق ساقتاۋ مينيسترلىگى باسشىسىنىڭ ايتۋىنشا, ىندەتتى جۇقتىرعان بەس ادام يزمير قالاسىندا, تاعى بىرەۋى ستامبۇلدا تۇرادى.
بۇل ادامداردىڭ اۋرۋى جەڭىل بولعاندىقتان, اۋرۋحاناعا جاتقىزۋدى قاجەت ەتپەدى.
ناۋقاستاردىڭ جاقىندا شەتەلگە بارعانى جانە ولاردىڭ COVID-19-عا قارسى ۆاكتسينا العانى تۋرالى مالىمەت جوق.
بۇعان دەيىن وميكرون العاش رەت سلوۆاكيادا انىقتالعان. شتامدى جۇقتىرعاندار وڭتۇستىك افريكا ەلدەرىنەن ەلگە ورالعان.