تاۋەلسىزدىكتىڭ 30 جىلدىعى قارساڭىندا ارىس قالاسىنىڭ مادەنيەت ۇيىندە قازاقستاننىڭ حالىق ءارتىسى, كومپوزيتور ءشامشى قالداياقوۆتىڭ ەسكەرتكىش-ءبيۋستى ورناتىلدى, دەپ حابارلايدى Egemen.kz.
ەسكەرتكىشتىڭ اشىلۋ سالتاناتىنا قالا تۇرعىندارى مەن الماتىدان ارنايى كەلگەن زيالى قاۋىم وكىلدەرى قاتىستى.
ايتۋلى وقيعانىڭ كۋاگەرلەرى الدىندا ءسوز سويلەگەن قالا اكىمى گۇلجان قۇرمانبەكوۆا ۇلى كومپوزيتور تۋرالى ءسوز قوزعاپ, ءىس-شارا قوناقتارىنا ىزگى تىلەگىن ايتتى.
ءىس-شارا قالالىق مادەنيەت ءۇيىنىڭ ۇجىمدارى ۇيىمداستىرعان كونتسەرتتىك باعدارلامامەن كوركەمدەلدى.
ەسكەرتكىش-ءبيۋستىڭ اۆتورى - ارىس قالاسىنىڭ تۋماسى, قازاقستاننىڭ ەڭبەك سىڭىرگەن ونەر قايراتكەرى, ءمۇسىنشى تىلەۋبەردى بيناشەۆ. ول بۇل ەسكەرتكىشتى تۋعان ولكەسىنىڭ 65 جىلدىعىنا وراي قالا تۇرعىندارىنا تارتۋ ەتتى.
ايتا كەتسەك, ايگىلى كومپوزيتوردىڭ قۇرمەتىنە اشىلعان ەسكەرتكىشتىڭ جانىنا ء«شامشىنىڭ بۇرىشى» دا ورنالاستىرىلدى.