2021 جىلدىڭ 9 ايىندا ەۋرازيالىق ەكونوميكالىق وداق ەلدەرى اراسىنداعى تاۋار اينالىمى 52 ملرد دوللارعا جەتتى. بۇل تۋرالى قر پرەزيدەنتى قاسىم-جومارت توقاەۆ ايتتى, دەپ حابارلايدى Egemen.kz.
«وسى جىلدىڭ 9 ايىندا ءوزارا تاۋار اينالىمى 32,5 پايىزعا ارتىپ, 52 ملرد دوللارعا جەتىپ وتىر. بۇل كوۆيد پاندەمياسىنا دەيىنگى كەزەڭ كورسەتكىشىنەن 16,5 پايىزعا جوعارى. وداق ەلدەرى اراسىنداعى ەكسپورت كولەمى دە ارتتى. ماسەلەن, قازاقستان ەكسپورتى كولەمىنىڭ ارتۋى 39 پايىزدى قۇرادى.
وداققا قاتىسۋشى باسقا ەلدەردىڭ دە ەكسپورت كولەمى تسيفرمەن سالىستىرىپ قاراعاندا ارتا تۇسكەن. بۇل ساۋدا-ەكونوميكالىق ىنتىماقتاستىقتىڭ قارقىندى دامۋىن, ونىڭ قۇرىلىمىنىڭ جاقسارۋىن جانە ءتيستى سالالالاردىڭ باسەكەگە قابىلەتتىلىگىنىڭ ارتۋىن بىلدىرەدى», دەدى قاسىم-جومار توقاەۆ جوعارى ەۋرازيالىق ەكونوميكالىق كەڭەستىڭ وتىرىسىندا.
سونىمەن قاتار مەملەكەت باسشىسى قازاقستان جوعارى ەۋرازيالىق ەكونوميكالىق كەڭەسكە توراعالىعىن اياقتايتىندىعىن اتاپ ءوتتى.