JPMorgan Chase Global Research ساراپشىلارى كوروناۆيرۋستىق پاندەميانىڭ قاشان اياقتالاتىنىن جانە 2022 جىلى الەمدىك ەكونوميكانىڭ تولىق قالپىنا كەلەتىنىن بولجادى, دەپ حابارلايدى Egemen.kz.
مامانداردىڭ پىكىرىنشە, جاڭا ۆاكتسينالار مەن تەراپەۆتىك اگەنتتەردىڭ قۇرىلۋى «تسيكلدىك قالپىنا كەلتىرۋگە جانە جاھاندىق ۇتقىرلىقتىڭ ورالۋىنا, سونداي-اق تۇتىنۋشىلار تاراپىنان جيناقتالعان سۇرانىستىڭ بوساتىلۋىنا» اكەلەدى.
«بۇل بولجام حالىق اراسىندا ۇجىمدىق يممۋنيتەتتىڭ جەتىلۋىنە, سونداي-اق ادامنىڭ تاپقىرلىعىنا بايلانىستى», دەپ اتاپ ءوتتى JP Morgan بانكىنىڭ جەتەكشى تالداۋشىسى ماركو كولانوۆيچ.
سونىمەن قاتار ساراپشى جاڭا جىلدا ەۋروپا مەن ازياداعى گەوساياسي شيەلەنىستىڭ كۇشەيۋى, ەنەرگەتيكالىق داعدارىس, ينفلياتسيا دەڭگەيىنە قاتىستى بەلگىسىزدىك جانە اقشا-كرەديت ساياساتىن قالىپقا كەلتىرۋ سياقتى ينۆەستورلار ءۇشىن ىقتيمال تاۋەكەلدەر تۋرالى ەسكەرتتى.
بۇعان دەيىن Microsoft نەگىزىن قالاۋشى بيلل گەيتس 2022 جىلى covid-19 پاندەمياسىنىڭ وتكىر كەزەڭىنىڭ اياقتالاتىنىن بولجاعان بولاتىن.