پاۆلودار وبلىسىنىڭ باس مەملەكەتتىك سانيتارلىق دارىگەرى «پاۆلودار وبلىسىنىڭ اۋماعىندا كارانتيندىك شەكتەۋ شارالارى تۋرالى» 2021 جىلعى 9 جەلتوقسانداعى جاڭا قاۋلىعا قول قويدى, دەپ حابارلايدى Egemen.kz.
اتاپ ايتقاندا, مەديتسينالىق قارسى كورسەتىلىمدەرى بار جانە سوڭعى ءۇش اي ىشىندە كۆي-مەن اۋىرعان ادامداردى قوسپاعاندا, COVID-19-عا قارسى ۆاكتسيناتسيا الماعان ونەركاسىپتىك كاسىپورىنداردىڭ قىزمەتكەرلەرىن كۇندىزگى رەجيمدە جۇمىسقا جىبەرۋگە شەكتەۋ قويىلدى.
بۇل رەتتە مەديتسينالىق قارسى كورسەتىلىمدەرى بار جانە سوڭعى ءۇش اي ىشىندە كۆي-مەن اۋىرىپ جازىلعان ادامداردى قوسپاعاندا, ۆاكتسيناتسيالانباعان جۇمىسكەرلەر ءۇشىن 7 كۇندە 1 رەت مىندەتتى پتر-تەستىلەۋ كوزدەلەدى.
سونداي-اق, جابىق ءۇي-جايلاردا دا, اشىق جەرلەردە دە ادامدار كوپ جينالاتىن ويىن-ساۋىق, وتباسىلىق, ۇجىمدىق, كورپوراتيۆتىك, سالتاناتتى ءىس-شارالاردى وتكىزۋگە تىيىم سالىنادى. سونداي-اق, جاپپاي كورپوراتيۆتىك ءىس-شارالاردى وتكىزۋ ءۇشىن ءۇي-جايلاردى جالعا الۋعا تىيىم سالىنادى.
سونىمەن قاتار, تومەندە كورسەتىلگەن تارماقتار بويىنشا تىيىم سالىنادى:
ويىن-ساۋىق مەكەمەلەرىنىڭ قىزمەتى (كاراوكە, كاليان, بۋكمەكەرلىك كەڭسەلەر, بيليارد, ويىن كلۋبتارى, تۇنگى, بوۋلينگتەر جانە ت. ب.); بالالار ويىن-ساۋىق ورتالىقتارى (ويىن الاڭدارى, اتتراكتسيوندار); ەسكە الۋدى وتكىزۋ; مەيرامحانالار مەن ءدامحانالار ءتيپى بويىنشا كەلۋشىلەرگە قىزمەت كورسەتۋدى قوسپاعاندا, بانكەت زالدارىنىڭ قىزمەتى 30 ادامعا دەيىن سانەپيد تالاپتارىن ساقتاي وتىرىپ, مادەنيەت وبەكتىلەرىنىڭ قىزمەتىن (دايىندىق); تەاترلاردىڭ, كينوتەاترلاردىڭ, كونتسەرت زالدارىنىڭ, فيلارمونيانىڭ تولتىرىلۋى 20-دان اسپايتىن قىزمەتى; كىتاپحانالار, مۇراجايلار قىزمەتى; وبلىسارالىق, وبلىسىشىلىك, قالاارالىق, اۋدانارالىق, اۆتوبۋس, شاعىن اۆتوبۋس جولاۋشىلار جانە تۋريستىك تاسىمالدار قىزمەتى.قاۋلىنىڭ تولىق ءماتىنىن مىنا سىلتەمە ارقىلى كورۋگە بولادى.
قاۋلى قول قويىلعان كۇنىنەن باستاپ كۇشىنە ەنەدى.