قر پرەزيدەنتى قاسىم-جومارت توقاەۆتىڭ قاتىسۋىمەن «تاۋەلسىزدىك ۇرپاقتارى» گرانتىن تابىستاۋعا ارنالعان سالتاناتتى ءىس-شارا باستالدى, دەپ حابارلايدى Egemen.kz.
ايتا كەتەيىك, «تاۋەلسىزدىك ۇرپاقتارى» گرانتى مەملەكەت باسشىسىنىڭ تاپسىرماسىمەن ازىرلەندى.
گرانت ەل تاۋەلسىزدىگىنىڭ 30 جىلدىعىن مەرەكەلەۋ اياسىندا «عىلىم», «مادەنيەت», «بيزنەس», «اقپاراتتىق تەحنولوگيالار», «مەديا» باعىتتارى بويىنشا بەرىلەدى. كونكۋرستىق وتىنىمدەردى قابىلداۋ اياقتالعاندا 14-29 جاس ارالىعىنداعى جاستار گرانت الۋعا ۇمىتكەر بولا الادى.
بۇگىن ۇزدىك 30 جوباعا 3 ملن تەڭگەدەن تابىستالماق. گرانتتار قر ازاماتتارىنا جاڭا يدەيالار مەن باستامالاردى ىسكە اسىرۋ ءۇشىن جوعارىدا اتالعان باعىتتار بويىنشا كونكۋرستىق نەگىزدە:
«عىلىم» - عىلىمنىڭ باسىم سەكتورلارىندا جاڭا عىلىمي جوبالار مەن زەرتتەۋلەردى ىسكە اسىرۋ;
«مادەنيەت» - قازاقستاننىڭ مادەني مۇراسىن تانىمال ەتۋگە, حالىقتىق مادەني داستۇرلەر مەن ونەردى ىلگەرىلەتۋگە باعىتتالعان جوبالاردى ىسكە اسىرۋ;
«اقپاراتتىق تەحنولوگيالار» - جاڭا IT-شەشىمدەر مەن جوبالاردى, ونىڭ ىشىندە باستاۋشى ستارتاپ-جوبالاردى ىسكە اسىرۋ جانە ازىرلەۋ;
«بيزنەس» - ەكونوميكانىڭ باسىم سەكتورلارىندا جاڭا بيزنەس-يدەيالاردى ىسكە اسىرۋ;
«مەديا» - جاڭا مەديا-جوبالاردى, ونىڭ ىشىندە جاستار ءۇشىن تانىمدىق, پايدالى, قىزىقتى كونتەنتتى قۇرۋ جونىندەگى جوبالاردى ىسكە اسىرۋ ءۇشىن بەرىلەدى.