WBO تۇجىرىمى بويىنشا ورتا سالماقتاعى الەم چەمپيونى دەمەتريۋس اندرادەنىڭ پروموۋتەرى ەددي حيرن امەريكالىق بىلعارى قولعاپ شەبەرىنىڭ بەلبەۋدەن باس تارتۋى مۇمكىن ەكەنىن جەتكىزدى, دەپ حابارلايدى Egemen.kz.
ء«بىز بۇكىلالەمدىك بوكس كەڭەسىنە ەرەجە اياسىندا WBC چەمپيونى دجەرمالل چارلوعا قارسى شايقاس ۇيىمداستىرۋ ماسەلەسىمەن حات جازدىق. ارادا ءبىر كۇن وتكەندە بۇكىلالەمدىك بوكس ۇيىمىنان مىندەتتى قارسىلاسپەن كەزدەسۋ تۋرالى حات الدىق. مىندەتتى قارسىلاستىڭ كىم ەكەنى بەيمالىم. ول تۋرالى بۇرىن-سوڭدى ەستىمەگەن ەدىك.
ارينە, WBO چەمپيوندار اراسىنداعى شايقاس ماسەلەسىن شەشە المايدى. الايدا ولار بۇعان كەلىسىم بەرەدى. ءبىزدىڭ WBC-كە حات جازعانىمىزدى ءبىلىپ وتىرىپ, اندرادەنى قازاق بوكسشىسىمەن جۇدىرىقتاستىرۋ كىمگە كەرەك؟
ەندى ءبىز باسقاشا شەشىم قابىلداۋعا ءتيىسپىز. مۇمكىن اندرادە ەكىنشى ورتا سالماققا كوتەرىلىپ, ۇيىم ەرەجەسى اياسىندا الەم چەمپيونىنا (ساۋل الۆارەس) مىندەتتى قارسىلاس اتانۋى كەرەك شىعار. قالاي بولعان كۇندە دە ءبىر شەشىمگە كەلەمىز. ويتكەنى ەشكىم تانىمايتىن قازاققا قارسى اندرادە شىقپايدى», دەيدى ەددي حيرن.